பாமக நிர்வாகி பழக்கடை தேவேந்திரன் மறைவு - மருத்துவர் இராமதாஸ் இரங்கல்!

வாலாஜா பாமக நிர்வாகி பழக்கடை தேவேந்திரன் மறைவுக்கு, அக்கட்சியின் நிறுவனர் மருத்துவர் இராமதாஸ் இரங்கல் தெரிவித்துள்ளார்.

இதுகுறித்த அவரின் இரங்கல் செய்தியில், "அரியலூர் வாலாஜா நகரத்தைச் சேர்ந்த பாட்டாளி மக்கள் கட்சியின் முன்னாள் மாவட்ட துணைச் செயலாளரும், முன்னாள் நகர செயலாளருமான பழக்கடை தேவேந்திரன் காலமானார் என்ற செய்தி அறிந்து மிகுந்த வேதனையடைந்தேன்.

பழக்கடை தேவேந்திரன் இளம் வயதிலிருந்தே பாட்டாளி மக்கள் கட்சியில் தம்மை இணைத்துக் கொண்டு கட்சி வளர்ச்சிக்காக கடுமையாக உழைத்தார். என் மீது பற்றும், மரியாதையும் கொண்டவர். அவர் மட்டுமின்றி அவரது குடும்பமே பா.ம.கவுக்காக உழைத்துக் கொண்டிருக்கிறது.

பழக்கடை தேவேந்திரனை இழந்து வாடும் அவரது குடும்பம், நண்பர்கள், பாட்டாளி மக்கள் கட்சி உள்ளிட்ட அனைவருக்கும் எனது ஆழ்ந்த இரங்கலையும், அனுதாபங்களையும் தெரிவித்துக் கொள்கிறேன்."

இவ்வாறு அந்த இரங்கல் செய்தியில் மருத்துவர் இராமதாஸ் தெரிவித்துள்ளார்.