தேனி || வீடியோ காலில் நிர்வாணமாக பேசிய மாணவி.!  பணம்பறிக்க முயன்ற வாலிபர் கைது.!

தேனி மாவட்டத்தில் 21 வயதுடைய கல்லூரி மாணவி ஒருவர், சமூக வலைத்தளமான டெலிகிராமில் குழு ஒன்றில் இணைந்து போட்டித் தேர்வுக்குத் தயாராகி வந்துள்ளார். அப்போது அந்தக் குழுவில் இருந்த ஒரு நபர், தாம் டிஎன்பிஎஸ்சி தேர்வர்களுக்கு பயிற்சி அளிப்பதாக கூறி அந்தப்பெண்ணிடம் பழகி வந்துள்ளார்.

இதையடுத்து அந்த நபர் பெண்ணின் இன்ஸ்டாகிராம் புகைப்படங்களை பதிவிறக்கம் செய்து, தன்னுடன் வீடியோ காலில் நிர்வாணமாக பேச வேண்டும், இல்லை என்றால் புகைப்படங்களை மார்பிங் செய்து சமூக வலைதளங்களில் பரப்பி விடுவதாக மிரட்டியுள்ளார்.

அதனால் அச்சமடைந்த அந்த பெண் இளைஞருடன் வீடியோ காலில் நிர்வாணமாக பேசியுள்ளார். அதனை அந்த இளைஞர் ஸ்க்ரீன் ரெக்கார்ட் செய்து வைத்துக் கொண்டு தன்னுடன் அவ்வாறு பேச வேண்டும் என்று வலியுறுத்தியுள்ளார்.

இதையடுத்து அந்த பெண் இளைஞருடனான தொடர்பை துண்டித்தார். இதில், ஆத்திரமடைந்த அந்த இளைஞர், வீடியோவை பெண்ணின் சகோதரருக்கு அனுப்பியுள்ளார். அதனைப் பார்த்து அதிர்ச்சி அடைந்த பெண்ணின் சகோதரரிடம் அந்த இளைஞர் வீடியோக்களை பரப்பாமல் இருக்க 2 லட்சம் பணம் கேட்டு மிரட்டியுள்ளார்.

இதைத்தொடர்ந்து, பாதிக்கப்பட்ட பெண் தேனி சைபர் க்ரைம் காவல்துறையினரிடம் புகார் அளித்தார். அதன் படி போலீசார் விசாரணை நடத்தியதில், அந்த இளைஞர் திருவள்ளூர் மாவட்டம் மேல அய்யம்பாக்கம் பகுதியைச் சேர்ந்த யோகேஷ் குமார் என்பதுத் தெரியவந்தது.‌

மேலும், அவர் டி.என்.பி.எஸ்.சி. உள்ளிட்ட போட்டித் தேர்வுகளுக்கு தயாராக சமூக வலைதளங்களில் உள்ள குழுக்களில் இருந்து வருவதும் தெரிய வந்தது. உடனே யோகேஷ்குமாரை கைது செய்த சைபர் க்ரைம் போலீசார் அவரை நீதிமன்றத்தில் ஆஜர்படுத்தி சிறையில் அடைத்தனர்.