பெண் வழக்கறிஞர் கிருபா முனுசாமி, விடுதலை சிறுத்தை கட்சியின் செய்தி தொடர்பாளர் விக்ரமன் தன்னை காதலித்து ஏமாற்றி மோசடி செய்ததாக நேற்று தனது ட்விட்டர் பக்கத்தில் ஆதாரங்களுடன் பதிவிட்டிருந்தார்.

இது அரசியல் வட்டாரத்திலும், சினிமா வட்டாரத்திலும் பெரும் பரபரப்பை ஏற்படுத்திய நிலையில், விக்ரமன் தனது ட்விட்டர் பக்கத்தில் கிருபா முனுசாமி தன் மீது சொன்ன புகார்களுக்கு மறுப்பு தெரிவித்து பதிவு ஒன்றை வெளியிட்டுள்ளார்.

After having undergone a great deal of agony over the past few months & a huge disappointment, I'm writing in public. I've known @RVikraman since 2013 when he participated in an event in which I was a guest. When I left for London in Aug 2020, he voluntarily came to send me off. pic.twitter.com/AA2rTxagZm

— Kiruba Munusamy (@kirubamunusamy) July 16, 2023

அதில்,"கிருபா முனுசாமி என் மீது சுமத்தியுள்ள குற்றச்சாட்டுகளை நான் முழுமையாக மறுக்கிறேன். ஒரு நாணயத்திற்கு இரண்டு பக்கங்கள் இருப்பது போலவே இந்தக் கதைக்கும் இரண்டு பக்கங்கள் உண்டு. "இந்தப் பிரச்சினையில் ஒரே ஒரு நபர் மட்டுமே பாதிக்கப்பட்டுள்ளார், என் மீது குற்றம் சாட்டுபவர்களை விட நான்தான் அந்த பாதிக்கப்பட்ட நபர்".

அவர் எனக்கு 2020 அறிமுகமானார், மேலும் அவர் முனைவர் பட்டத்திற்கான இங்கிலாந்து பயணத்திற்குப் பிறகு ஒருவரையொருவர் நன்கு தெரிந்துகொள்ள ஆரம்பித்தோம். 

எங்களின் முழு உறவும் கட்டுகோப்பானது, இப்போது கூறப்படும் இட்டுக்கட்டப்பட்ட குற்றச்சாட்டுகள் பழிவாங்கும் நோக்கத்திற்காகவும், எனது அரசியல் மற்றும் தொழில் வாழ்க்கையை முடிக்கவும் செய்யப்படுகின்றன, ஏனென்றால் அவரை திருமணம் செய்து கொள்ள வேண்டும் என்ற நியாயமற்ற கோரிக்கைக்கு நான் அடிபணிய மறுத்துவிட்டேன்.

எனது இந்த பதிவில் 2022 ஆம் ஆண்டு ஜூன் 15 ஆம் தேதி கிருபா பிஎச்டி படிக்கும் போது எனக்கு எழுதிய கடித்ததை இணைத்துள்ளேன். நான் உண்மையில் ஒரு துஷ்பிரயோகம் செய்பவராக இருந்திருந்தால், நியாயமான புத்திசாலித்தனமான எந்தவொரு நபரும் இப்படி ஒரு கடிதத்தை எழுதியிருக்க மாட்டார்கள்.

I deny the allegations made against me by Ms. Kiruba Munusamy in entirety. A coin has two sides likewise this story also has two sides. "There is only one victim in this issue and it is me rather than the person making the accusations against me".

We were acquaintances till… pic.twitter.com/IGCFE0PrBl

— Vikraman R (@RVikraman) July 17, 2023

கிருபா சொந்த விருப்பத்தின் பேரில் அல்லது எனது தொழில்முறை நோக்கங்களுக்காக எனது வேண்டுகோளின் பேரில் அவர் வழங்கிய அனைத்து பொருள்களுக்கு பணம் செலுத்தியதற்கான ஆதாரத்தையும் இந்த பதிவுடன் இணைத்துள்ளேன்.

என் மீது சுமத்தப்படும் ஒவ்வொரு குற்றச்சாட்டையும் முற்றிலும் மறுக்கிறேன் என்பதை மீண்டும் வலியுறுத்துகிறேன். குற்றச்சாட்டுகளை மறுதலிக்கவும், அவை ஒவ்வொன்றையும் சட்டத்தின் கீழ் அறியப்பட்ட முறையில் நிராகரிக்கவும் நான் முழுமையாக தயாராக இருக்கிறேன். அறம்வெல்லம்" என்று விக்ரமன் அந்த பதிவில் தெரிவித்துள்ளார்.