வெண்கல பதக்கம் வென்ற தமிழ்நாட்டு வீரர்! தடைகளைப் போட்டியில் 3வது இடம் பிடித்த செர்வின் செபாஸ்டியன்

தென்கொரியாவின் குமி நகரில் இன்று முதல் 31-ந் தேதி வரை, 26-வது ஆசிய தடகள சாம்பியன்ஷிப் போட்டி நடக்கிறது. இதில் 43 நாடுகளை சேர்ந்த 2000 க்கும் மேற்பட்ட வீரர், வீராங்கனைகள் பங்கேற்கிறார்கள்.

இப்போட்டியில் இந்திய அணி சார்பில் 59 பேர் கலந்து கொண்டனர். அதிலும் குறிப்பாக தமிழகத்தைச் சேர்ந்த 9 பேர் பங்கேற்றுள்ளனர்.இந்த நிலையில் இன்று 20 கி.மீட்டர் நடைப்பந்தய போட்டி நடைபெற்றது.

இதில் தமிழகத்தைச் சேர்ந்த செர்வின் செபாஸ்டியன் 3-வது இடத்தைப்பிடித்து வெண்கலப் பதக்கம் வென்றுள்ளார். அவர் பந்தய தூரத்தை 1 மணி நேரம் 21 நிமிடங்கள் 13 விநாடிகளில் கடந்தார் என்பது குறிப்பிடத்தக்கது.

இது குறித்து தமிழக தலைவர்கள் பலர் பாராட்டி வருகின்றனர்.