ஜூன் 6-ம் தேதி வரை தமிழகத்தில் மழைக்கு வாய்ப்பு!
Southwest Monsoon tamilnady 7 days rain alert
தென்மேற்கு பருவமழை தமிழகத்தின் மேற்கு தொடர்ச்சி மலைப்பகுதிகளில் தீவிரமாக பதிவாகி வருகிறது. நீலகிரி, கோயம்புத்தூர், தென்காசி, திருநெல்வேலி, கன்னியாகுமரி மாவட்டங்களில் பல இடங்களில் மழை பெய்துள்ளது. தேனி மற்றும் விருதுநகர் மாவட்டங்களிலும் பல பகுதிகளில் மழை பதிவாகியுள்ளது.
இந்நிலையில், சென்னை வானிலை ஆய்வு மையம் வெளியிட்ட செய்திக்குறிப்பில், மேற்கு திசை காற்றின் வேக மாற்றம் காரணமாக, இன்று முதல் வரும் ஜூன் 6-ம் தேதி வரை தமிழகம், புதுச்சேரி மற்றும் காரைக்கால் பகுதிகளில் சில இடங்களில் லேசான மழை அல்லது மிதமான மழை இருக்கலாம் என தெரிவிக்கப்பட்டுள்ளது.
சென்னை மற்றும் புறநகர் பகுதிகளில் இன்றும் நாளையும் வானம் மேகமூட்டத்துடன் காணப்படும். நகரின் சில இடங்களில் லேசான மழை பெய்ய வாய்ப்பு இருப்பதாகவும் கூறப்பட்டுள்ளது.
English Summary
Southwest Monsoon tamilnady 7 days rain alert