தற்போது மக்களவையில் எதிர்க்கட்சித் தலைவராக ராகுல் காந்தியை காங்கிரஸ் கட்சி தேர்வு செய்துள்ளது. இதை தொடர்ந்து அவருக்கு காங்கிரஸ் மற்றும் இந்திய கூட்டணியில் இருந்து அவருக்கு வாழ்த்துகள் வந்த வண்ணம் உள்ளன. மக்களவையில் ராகுலின் புதிய மற்றும் முக்கிய பங்கு குறித்து காங்கிரஸ் மூத்த தலைவர் அஜய் மக்கன் மகிழ்ச்சி தெரிவித்துள்ளார். 

எதிர்க்கட்சித் தலைவராக தேர்ந்தெடுக்கப்பட்ட ராகுல் காந்திக்கு, அஜய் மக்கன் வாழ்த்து தெரிவித்ததோடு, இந்த முடிவால் காங்கிரஸ் தலைவர்கள் மற்றும் தொண்டர்கள் அனைவரும் மிகுந்த உற்சாகத்தில் இருப்பதாகவும் தெரிவித்துள்ளார்.

காங்கிரஸ் கட்சியின் மூத்த தலைவர்களில் ஒருவரான அஜய் மக்கன், ராகுல் காந்தி எதிர்க்கட்சித் தலைவராக தேர்ந்தெடுக்கப்பட்டதற்கு தனது ட்விட்டர் பக்கத்தில் ஒரு இடுகையில் தனது மகிழ்ச்சியை வெளிப்படுத்தினார். 

ராகுல் எதிர்க்கட்சித் தலைவராக பதவியேற்றதில் இருந்து காங்கிரஸ் தொண்டர்கள் மற்றும் தலைவர்களிடமிருந்து எனக்கு உற்சாகமான அழைப்புகள் வருகின்றன. மேலும் ராகுல் காந்தி மக்களவையில் எதிர்க்கட்சித் தலைவராக பணியாற்றுவார் என்பதில் நான் மகிழ்ச்சியடைகிறேன். ராகுல் எதிர்க்கட்சிகள் மத்தியில் எப்போதும் மிகவும் செல்வாக்கு மிக்க, குரல் மற்றும் அச்சமற்ற குரலாக இருந்தவர், எதிர்க்கட்சியின் அதிகாரபூர்வ தலைவராக இருந்த அவரது செல்வாக்கு இன்னும் ஆழமாக இருக்கும் என்று மக்கன் தனது அதிகார்வப்பூர்வ X பக்கத்தில் ஒரு இடுகையில் தெரிவித்துள்ளார்.

மக்களவையில் ராகுல் காந்திக்கு எதிர்க்கட்சித் தலைவர் பதவி வழங்குவது மிகவும் முக்கியமான ஒன்றாக பார்க்கப்பட்டது. ஒரு ஜனநாயகத்தின் மக்களவையில் ஒரு எதிர்க்கட்சி மற்றும் அதன் எதிர்க்கட்சித் தலைவர் இருவரும் பலமாக இருக்க வேண்டும். இதனை தொடந்து ராகுல் காந்தியை இந்தப் பதவிக்கு காங்கிரஸ் தேர்வு செய்துள்ளது. 

மக்களவையில் எதிர்க்கட்சித் தலைவராக ராகுல் காந்தி தேர்வு செய்யப்படுவதை ஆரம்பத்தில் இருந்தே அனைத்து இந்தியா கூட்டணி தலைவர்களும், தொண்டர்களும் ஒருமனதாக இருந்தனர். தேர்தல் முடிவுகள் வெளியானதில் இருந்தே ராகுல் காந்தி எதிர்க்கட்சித் தலைவராகப் பேசப்படுகிறார்.