'தேர்தலில் பாஜ-அதிமுக கூட்டணிக்கு மக்கள் தக்கபாடம் புகட்டுவார்கள்'; அமைச்சர் எ.வ.வேலு ..!

தமிழ்நாட்டை தொடர்ந்து ஒன்றிய அரசு வஞ்சித்து வருகிறதாக அமைச்சர் எ.வ.வேலு குற்றம் சுமத்தியுள்ளார். திருவண்ணாமலையில் நிருபர்களிடம் பேசிய அவர் மேலும் கூறியதாவது:

பேரிடர் காலங்களில் வழங்க வேண்டிய புயல் நிதி, கல்வி நிதி, ஜல்ஜீவன் பங்குத்தொகை, நூறு நாள் வேலைத்திட்ட நிதி உள்ளிட்ட எந்த நிதிகளையும் ஒன்றிய அரசு மாநில அரசிற்கு வழங்காமல் வஞ்சித்து வருவதாகவும் தெரிவித்துள்ளார்.

அத்துடன், தற்பொழுதுள்ள காஸ் (சமையல் எரிவாயு ) தட்டுப்பாட்டால் தமிழக மக்கள் மிகுந்த வேதனைக்கு உள்ளாகி உள்ளதாகவும் குறிப்பிட்டுள்ளார்.

மேலும், தேர்தலில் பாஜ-அதிமுக கூட்டணிக்கு மக்கள் தக்கபாடம் புகட்டுவார்கள் என்றும், தோழமைக் கட்சிகளோடு தொகுதி பங்கீடு குறித்து தற்பொழுது பேசி வருகிறதாக தெரிவித்துள்ளதோடு, அடுத்த கட்டமாக தொகுதி குறித்து தோழமையோடு தோழமையாக பேசவுள்ளதாக நிருபர்களிடம் அமைச்சர் எ.வ.வேலு குறிப்பிட்டுள்ளார்.