98-வது ஆஸ்கார் விழா: தொழில்நுட்பப் பிரிவுகளில் 3 விருதுகளை அள்ளியது ‘பிராங்கண்ஸ்டைன்’...!

அமெரிக்காவின் கலிபோர்னியாவில் நடைபெற்று வரும் 98-வது ஆஸ்கார் விருதுகள் விழாவில், பிரம்மாண்ட படைப்பான 'பிராங்கண்ஸ்டைன்' (Frankenstein) திரைப்படம் 3 விருதுகளை வென்று முத்திரை பதித்துள்ளது.

தயாரிப்பு வடிவமைப்பு (Production Design), ஒப்பனை மற்றும் சிகை அலங்காரம் (Makeup and Hairstyling) மற்றும் சிறந்த ஆடை வடிவமைப்பு (Costume Design) ஆகிய மூன்று தொழில்நுட்பப் பிரிவுகளில் இப்படத்திற்கு ஆஸ்கார் விருதுகள் வழங்கப்பட்டுள்ளன.

மேலும், விஞ்ஞானத்தின் எல்லைகளை மீறி, உயிரற்ற உடல் உறுப்புகளை ஒன்றிணைத்து உயிர் கொடுக்க முயலும் மனிதனின் ஆபத்தான பேராசையை மையமாகக் கொண்டு உருவான இத்திரைப்படம், ரசிகர்களிடையே பெரும் வரவேற்பைப் பெற்றதோடு, தற்போது உலகத் திரையுலகின் உயரிய அங்கீகாரத்தையும் பெற்றுள்ளது.

திரைப்பட வரலாற்றில் காலத்தைக் கடந்து நிற்கும் ஒரு காவியமாக 'பிராங்கண்ஸ்டைன்' உருவெடுத்துள்ளது.