வி த லீடர்ஸ்’ அமைப்பின் கட்டமைப்பை அடுத்தகட்டத்துக்கு கொண்டு செல்லும் வகையில், அதன் அமைப்புப் பொதுச்செயலாளராக கரு. நாகராஜனை அண்ணாமலை நியமித்துள்ளார். இதற்கான அறிவிப்பை அவர் சமூக வலைதளப் பதிவின் மூலம் வெளியிட்டுள்ளார்.

பாரதிய ஜனதா கட்சியின் முன்னாள் மாநிலத் தலைவரான அண்ணாமலை, கடந்த ஜூன் 5-ந்தேதி அக்கட்சியில் இருந்து விலகிய பின்னர் ‘வி த லீடர்ஸ்’ என்ற அரசியல் இயக்கத்தை தொடங்கியதாக தெரிவிக்கப்பட்டுள்ளது. இந்த இயக்கத்தை எதிர்காலத்தில் அரசியல் கட்சியாக பதிவு செய்ய உள்ளதாகவும், அடுத்த மக்களவைத் தேர்தலில் போட்டியிட உள்ளதாகவும் அவர் ஏற்கனவே தெரிவித்துள்ளார்.

இந்த நிலையில், அமைப்பின் நிர்வாகக் கட்டமைப்பை வலுப்படுத்தும் நோக்கில் கரு. நாகராஜனுக்கு அமைப்புப் பொதுச்செயலாளர் பொறுப்பு வழங்கப்பட்டுள்ளது.இதுதொடர்பாக அண்ணாமலை வெளியிட்டுள்ள பதிவில், அமைப்பின் வளர்ச்சி மற்றும் கட்டமைப்பை வலுப்படுத்தும் நோக்கில் கரு. நாகராஜன் நியமிக்கப்பட்டுள்ளதாக தெரிவித்துள்ளார்.

மாநிலம் முழுவதும் அமைப்பின் செயல்பாடுகளை ஒருங்கிணைத்தல், நிர்வாகக் கட்டமைப்பை வலுப்படுத்துதல், நிர்வாகிகளுக்கும் களப்பணியாளர்களுக்கும் இடையே ஒருங்கிணைப்பை ஏற்படுத்துதல் உள்ளிட்ட முக்கியப் பொறுப்புகளை அவர் மேற்கொள்வார் என்றும் அண்ணாமலை தனது பதிவில் குறிப்பிட்டுள்ளார்.

மேலும், கரு. நாகராஜனின் அரசியல் அனுபவம், அர்ப்பணிப்பு மற்றும் தலைமைப் பண்புகளை பயன்படுத்தி, அமைப்பின் செயல்பாடுகளை மக்கள் மத்தியில் விரிவுபடுத்த முடியும் என்ற நம்பிக்கையையும் அண்ணாமலை தெரிவித்துள்ளார்.

அமைப்பின் கொள்கைகள் மற்றும் நோக்கங்களை அடிப்படையாகக் கொண்டு, அனைத்து நிலைகளிலும் நிர்வாகக் கட்டமைப்பை வலுப்படுத்துவதற்கான பணிகளை முன்னெடுக்குமாறு கரு. நாகராஜனிடம் அவர் கேட்டுக்கொண்டுள்ளார்.

அதேபோல், புதிய பொறுப்பை ஏற்றுள்ள கரு. நாகராஜனுக்கு அமைப்பின் தலைவர்கள், நிர்வாகிகள் மற்றும் களப்பணியாளர்கள் முழுமையான ஒத்துழைப்பையும் ஆதரவையும் வழங்க வேண்டும் என்றும் அண்ணாமலை வேண்டுகோள் விடுத்துள்ளார்.

நமது அமைப்பின் வளர்ச்சியையும், அமைப்பு கட்டமைப்பை வலுப்படுத்துவதையும் கருத்தில் கொண்டு, திரு. கரு. நாகராஜன் அவர்களை, We The Leaders இயக்கத்தின் அமைப்புப் பொதுச்செயலாளராக நியமிப்பதில் பெருமகிழ்ச்சி அடைகிறோம்.
 
நமது We The Leaders அமைப்பின் கட்டமைப்பை ஒவ்வொரு நிலையிலும் வலுப்படுத்தவும், நமது நோக்கங்களையும் செயல்பாடுகளையும் ​மக்கள் ​மத்தியில்  கொண்டு சேர்க்கவும், அமைப்புப் பொதுச்செயலாளராக நியமிக்கப்பட்டுள்ள திரு. கரு. நாகராஜன் அவர்களுக்கு, நமது அமைப்பின் அனைத்து தலைவர்கள், நிர்வாகிகள் மற்றும் களப்பணியாளர்களும், முழுமையான ஒத்துழைப்பையும், ஆதரவையும் வழங்குமாறு அன்புடன் கேட்டுக்கொள்கிறேன்.

@WTLFoundation @KaruNagarajan

— K.Annamalai (@annamalai_k) September 18, 2026