நடிகர் துருவ் விக்ரம் நடிப்பில் உருவாகி வரும் ‘ஜாக்கி’ திரைப்படத்தின் அடுத்த முக்கிய அறிவிப்பு நாளை வெளியாக உள்ளதாக படக்குழு அதிகாரப்பூர்வமாக அறிவித்துள்ளது. இதனால் படத்தின் அடுத்த கட்ட தகவல் என்னவாக இருக்கும் என்ற எதிர்பார்ப்பு ரசிகர்கள் மத்தியில் அதிகரித்துள்ளது.தமிழ் திரையுலகின் முன்னணி நடிகரான சியான் விக்ரமின் மகன் துருவ் விக்ரம், இளம் தலைமுறை கதாநாயகர்களில் கவனம் பெற்றவராக திகழ்ந்து வருகிறார்.

‘ஆதித்ய வர்மா’ திரைப்படத்தின் மூலம் கதாநாயகனாக அறிமுகமான அவர், தொடர்ந்து தனது தந்தை விக்ரமுடன் இணைந்து ‘மகான்’ படத்தில் நடித்தார்.இயக்குநர் மாரி செல்வராஜ் இயக்கத்தில் சமீபத்தில் வெளியான ‘பைசன்’ திரைப்படத்தில் துருவ் விக்ரம் கதாநாயகனாக நடித்திருந்தார்.

கபடி வீரரின் வாழ்க்கையை மையமாகக் கொண்டு உருவான இப்படம் ரசிகர்களிடம் வரவேற்பைப் பெற்றதுடன், உலகளவில் ரூ.70 கோடிக்கும் அதிகமாக வசூல் செய்ததாக தெரிவிக்கப்படுகிறது.குறிப்பாக, இப்படத்தில் துருவ் விக்ரம் வெளிப்படுத்திய நடிப்பு ரசிகர்களாலும், விமர்சகர்களாலும் பாராட்டப்பட்டது. இதனைத் தொடர்ந்து அவரது அடுத்த திரைப்படமான ‘ஜாக்கி’ மீது எதிர்பார்ப்பு மேலும் அதிகரித்துள்ளது.

துருவ் விக்ரம் தற்போது தனது நான்காவது திரைப்படத்தில் நடித்து வருகிறார். மைத்ரி மூவி மேக்கர்ஸ் நிறுவனம் தயாரிக்கும் இப்படத்தை அறிமுக இயக்குநர் கரண் அரவிந்த் குமார் இயக்குகிறார்.பிருத்வி பாண்டியராஜ், சாய் தீனா உள்ளிட்ட பலர் முக்கிய கதாபாத்திரங்களில் நடித்து வருகின்றனர். துருவ் விக்ரமும், மைத்ரி மூவி மேக்கர்ஸ் நிறுவனமும் முதல் முறையாக இணைந்துள்ளதால், இந்த கூட்டணி திரையுலகினர் மற்றும் ரசிகர்களின் கவனத்தை ஈர்த்துள்ளது.

‘ஜாக்கி’ திரைப்படத்திற்கு பிரபல இசையமைப்பாளர் சந்தோஷ் நாராயணன் இசையமைக்கிறார். இதனை இயக்குநர் கரண் ஏ. குமார் தனது சமூக வலைதளப் பதிவின் மூலம் அதிகாரப்பூர்வமாக அறிவித்துள்ளார்.சந்தோஷ் நாராயணனுடன் எடுத்துக்கொண்ட புகைப்படத்தையும் இயக்குநர் பகிர்ந்திருந்தார்.

அந்தப் புகைப்படம் சமூக வலைதளங்களில் வேகமாக பரவி வரும் நிலையில், இப்படத்தின் பாடல்கள் மற்றும் பின்னணி இசை மீது ரசிகர்களின் எதிர்பார்ப்பும் அதிகரித்துள்ளது.துருவ் விக்ரமின் நான்காவது திரைப்படத்தின் பெயர் குறித்த அறிவிப்பு சமீபத்தில் வெளியானது. கரண் அரவிந்த் குமார் இயக்கத்தில் உருவாகும் இப்படத்திற்கு ‘ஜாக்கி’ என பெயரிடப்பட்டுள்ளது.

காதல் மற்றும் அதிரடி காட்சிகளுக்கு முக்கியத்துவம் அளித்து உருவாகும் இப்படத்தின் தலைப்பு வெளியானது முதலே ரசிகர்களிடையே ஆர்வத்தை ஏற்படுத்தியுள்ளது.இந்த நிலையில், ‘ஜாக்கி’ திரைப்படத்தின் அடுத்த முக்கிய அறிவிப்பை படக்குழு வெளியிட உள்ளது.அதன்படி, நாளை மாலை 4.05 மணிக்கு படத்தின் முக்கிய அப்டேட் வெளியாகும் என அறிவிக்கப்பட்டுள்ளது.

அந்த அறிவிப்பு படத்தின் எந்த தகவலை வெளிப்படுத்தப் போகிறது என்ற எதிர்பார்ப்பில் ரசிகர்கள் காத்திருக்கின்றனர். இதனால் நாளை மாலை 4.05 மணியை நோக்கி ‘ஜாக்கி’ பட ரசிகர்களின் கவனம் திரும்பியுள்ளது.

You know who he is. ⭐️

Tomorrow, you’ll know the madness he brings 🔥💥

#JACKIE - 4.05 PM, tomorrow ❤‍🔥

#Dhruv is J✭CKIE 

Directed by @karanAkumar12

A @Music_Santhosh musical 🎼

Produced by @MythriOfficial

@WriterSaby @viki_dop @chiya_1009 @PraveenRaja_Off #GMSekhar @vm_mor @AMBANINSK @Tseries

— Mythri Movie Makers (@MythriOfficial) September 17, 2026