தமிழகத் தேர்தல் களம் சூடுபிடித்துள்ள நிலையில், கூட்டணியில் அதிருப்திக் குரல்கள் எழுவதைத் தவிர்க்க திமுக மற்றும் அதிமுக ஆகிய இரு துருவங்களும் தங்களது தோழமைக் கட்சிகளுடன் 'திரைமறைவு' பேச்சுவார்த்தைகளைத் தீவிரப்படுத்தியுள்ளன.

திமுக-வின் கணக்கு: யாருக்கு எத்தனை?
அதிகாரப்பூர்வ அறிவிப்புக்கு முன்பே திமுக தரப்பில் டி.ஆர்.பாலு, எ.வ.வேலு போன்றோர் களம் இறங்கியுள்ளனர்:

மநீம: 3 இடங்கள். முஸ்லிம் லீக், மமக, கொமதேக: தலா 2 இடங்கள். சிறிய கட்சிகள்: வேல்முருகன், கருணாஸ் போன்றோருக்குத் தலா 1 தொகுதி.

இடதுசாரிகள் & மதிமுக: கடந்த முறையைப் போலவே தலா 6 இடங்கள். மதிமுக தனிச் சின்னத்தில் நின்றால் இந்த எண்ணிக்கை குறையலாம்.

விசிக இரட்டை இலக்கத்தை எதிர்பார்க்க, திமுக 2 இடங்கள் மட்டுமே கூடுதலாகத் தர முன்வருகிறது. தேமுதிக வந்தால் 7 சீட் + ஒரு ராஜ்யசபா சீட் என்ற 'ஆஃபர்' தயாராக உள்ளது.

காங்கிரஸ்: இன்னும் பேச்சுவார்த்தை தொடங்கவில்லை; அதிகபட்சமாக 28-30 இடங்கள் வரை பேசப்படலாம்.

அதிமுக-வும் தனது பங்கிற்குப் பேச்சுவார்த்தையைத் துரிதப்படுத்தியுள்ளது: பாஜக: 20 முதல் 25 இடங்கள். அமமுக: 8 இடங்கள். இதர கட்சிகள் (தமாகா, ஐஜேகே, புதிய நீதிக்கட்சி): தலா 1 முதல் 3 இடங்கள். சில கட்சிகளுக்கு பாஜக தனது கோட்டாவிலிருந்தே சீட்களை ஒதுக்கவுள்ளது.