வன்முறை & குற்றச் செயல்கள்: வன்முறை மற்றும் குற்றச் செயல்களைப் பெருமைப்படுத்தும் காட்சிகளை உருவாக்கக் கூடாது; குற்றவியல் செயல்களைச் செய்யும் முறைகளைத் (Modus Operandi) துல்லியமாகப் படம்பிடித்துக் காட்டுவது தடை செய்யப்பட்டுள்ளது.

பாலியல் வன்முறைத் தடை: பெண்களுக்கு எதிரான பாலியல் வன்முறைகள், பாலாத்காரம், சீண்டல்கள் அல்லது இது போன்ற பிற பாலியல் தொடர்பான கொடூரக் காட்சிகள் திரைப்படங்களில் முற்றிலுமாகத் தவிர்க்கப்பட வேண்டும்.

கட்டாயப் போதைப்பொருள் எச்சரிக்கை: போதைப்பொருள் பயன்பாடு அல்லது கடத்தல் தொடர்பான காட்சிகள் இடம்பெறும் படங்களின் திரையில், "சட்டவிரோத போதைப்பொருள்கள் ஆரோக்கியத்தை அழித்து, நிச்சயம் சிறைத் தண்டனைகளை பெற்றுத் தரும். போதைப்பொருள்களைத் தவிர்ப்போம்" என்ற எச்சரிக்கை வாசகம் கட்டாயம் இடம்பெற வேண்டும்.

குழந்தைகள் பாதுகாப்பு: வன்முறைச் செயல்களில் குழந்தைகளைப் பாதிக்கப்பட்டவர்களாகவோ, குற்றவாளிகளாகவோ அல்லது சாட்சிகளாகவோ சித்தரிக்கும் காட்சிகள் தவிர்க்கப்பட வேண்டும்.

மாற்றுத்திறனாளிகள் & விலங்குகள் பாதுகாப்பு: மாற்றுத்திறனாளிகளை இழிவுபடுத்துதல் மற்றும் விலங்குகளுக்கு எதிரான அநாவசியக் கொடுமைகள் ஆகியவற்றுக்கும் தணிக்கை விதிகளில் தடை விதிக்கப்பட்டுள்ளது.

தேசிய பாதுகாப்பு & வெளிநாட்டு நட்புறவு: நாட்டின் இறையாண்மை, ஒருமைப்பாடு மற்றும் தேசிய பாதுகாப்புக்குக் குந்தகம் விளைவிக்கும் வகையிலோ, அல்லது வெளிநாடுகளுடனான இந்தியாவின் நட்புறவில் பதற்றத்தை ஏற்படுத்தக்கூடிய வகையிலோ உள்ளடக்கங்கள் இடம்பெறக் கூடாது.