பதவிக்காக கமல்ஹாசன் தன் நிலைமையிலிருந்து மாறியுள்ளார் - நயினார் நாகேந்திரன்!
bjp nainar say about DMK MNM Kamal
பாஜக மாநில தலைவர் நயினார் நாகேந்திரன், "மாநிலங்களவை உறுப்பினர் பதவிக்காக கமல்ஹாசன் தன் நிலைமையிலிருந்து மாறியுள்ளார்" எனக் கூறி விமர்சனம் செய்துள்ளார்.
கோவையில் பல்வேறு நிகழ்ச்சிகளில் கலந்து கொள்வதற்காக வந்த நயினார் நாகேந்திரன் செய்தியாளர்களை சந்தித்தார். அப்போது கமல்ஹாசன் திமுகவுடன் இணைந்ததைப் பற்றிய கேள்விக்கு, "அது அவரது தனிப்பட்ட முடிவு. அதில் கருத்து சொல்ல விரும்பவில்லை" என்றார்.
ஆனால், வாரிசு அரசியல் குறித்து கமல்ஹாசன் மேற்கூறிய பழைய நிலையை நினைவுபடுத்திய நயினார், “முதலில் அதற்கு எதிராக பேசிய அவர், இப்போது எம்பி பதவிக்காக அதையே ஏற்றுக் கொள்கிறார்” என்றார். மேலும், “எந்த மொழி பெரியது என்பது விவாதத்துக்குரியது அல்ல. அனைவருக்கும் தாய்மொழிதான் முக்கியம்” என்றார்.
மின்சாரம் தொடர்பான பிரச்னைகளை குறிப்பிட்ட அவர், "மின் கட்டண உயர்வுகள் எதுவும் அதிகாரப்பூர்வமாக அறிவிக்கப்படாமல் நடந்துகொண்டு இருக்கின்றன" என குற்றம்சாட்டினார்.
மத்திய அரசின் திட்டங்களை மாநில அரசு செயல்படுத்தவில்லை என்றும், அவற்றை மறைத்து மக்களுக்கு நன்மை தராமல் செயல்படுகிறது என்றும் நயினார் நகேந்திரன் தெரிவித்தார்.
English Summary
bjp nainar say about DMK MNM Kamal