டெல்லியில் அமித்ஷாவை சந்தித்துள்ள அண்ணாமலை; சூடுபிடித்துள்ள தமிழக அரசியல் களம்..!

தமிழக சட்டசபை தேர்தல் அடுத்தாண்டு நடைபெறவுள்ள நிலையில், தமிழக அரசியல் களம் சூடுபிடித்துள்ளது. ஒவ்வொரு அரசியல் தலைவர்களும் தலைநகர் டெல்லிக்கு திடீர் பயணம் மேற்கொண்டு வருகின்றனர்.
இந்நிலையில், டெல்லி சென்றுள்ள தமிழக பாஜ முன்னாள் தலைவர் அண்ணாமலை, மத்திய உள்துறை அமைச்சர் அமித்-ஷாவை சந்தித்து பேசியுள்ளார்.

தமிழகத்தில் அதிமுக உடன் பாஜ கூட்டணி அமைத்து 2026 சட்டசபை தேர்தலை சந்திக்கவுள்ளது. அத்துடன், கூட்டணியில் வேறு கட்சிகளையும் சேர்க்கவும் திட்டமிடப்பட்டுள்ளது. கடந்த ஒரு சில நாட்களுக்கு முன்னர், முன்னாள் அதிமுக முதல்வர் ஓ.பன்னீர்செல்வம் டில்லி சென்று மத்திய உள்துறைஅமைச்சர் அமித்ஷாவை சந்தித்து பேசிய பின் தமிழகம் திருப்பினார்.

இந்த சூழலில், தமிழக பாஜ முன்னாள் தலைவர் அண்ணாமலையும் டில்லி சென்று அமித்ஷாவை அவரது இல்லத்தில் சந்தித்து பேசியுள்ளார். குறித்த சந்திப்பின் போது, பாஜ தலைவர் நட்டா மற்றும் பிஎல் சந்தோஷ் ஆகியோர் உடன் இருந்ததாக தகவல் வெளியாகியுள்ளது. ஆனால், இதன் போது என்ன பேசப்பட்டது என்பது குறித்து தகவல் வெளியாகவில்லை.