உளுந்தூர் பேட்டையில் சோகம் - தீ விபத்தில் 4 பேர் பலி - 3 பேர் படுகாயம்.!
four peoples died and three peoples injured for fire accident in ulunthur pettai
உளுந்தூர் பேட்டையில் சோகம் - தீ விபத்தில் 4 பேர் பலி - 3 பேர் படுகாயம்.!
கள்ளக்குறிச்சி மாவட்டம் உளுந்தூர் பேட்டை அருகே உள்ள ஒரு வீட்டில் திடீரென தீ விபத்து ஏற்பட்டுள்ளது. இதைப்பார்த்த அக்கம் பக்கத்தினர் சம்பவம் குறித்து தீயணைப்பு துறைக்கு தகவல் அளித்துள்ளனர்.
அந்தத் தகவலின் படி தீயணைப்பு துறையினர் சம்பவ இடத்திற்கு விரைந்து வந்து தீயை அணைக்கும் முயற்சியில் ஈடுபட்டனர். பலமணி நேர போராட்டத்திற்குப் பிறகு தீ அணைக்கப்பட்டு மீட்புப் பணிகள் நடைபெற்றது.
அதில், தாய் திரவியம், இரண்டு மகள்கள், இவர்களைக் காப்பாற்ற ,உயன்ற தாத்தா உள்பட நான்கு பேரும் பரிதாபமாக உயிரிழந்துள்ளனர். மேலும், மூன்று பேர் படுகாயமடைந்துள்ளனர்.
இதையடுத்து தீயணைப்பு வீரர்கள் படுகாயமடைந்தவர்களை மீட்டு சிகிச்சைக்காகவும், உயிரிழந்தவர்களை மீட்டு பிரேத பரிசோதனைக்காகவும் மருத்துவமனைக்கு அனுப்பி வைத்தனர்.
இதற்கிடையே இந்தச் சம்பவம் குறித்து தகவலறிந்து வந்த போலீசார் இது விபத்தா? இல்லை தற்கொலையா? என்று தீவிரமாக விசாரணை மேற்கொண்டு வருகின்றனர். ஒரே குடும்பத்தைச் சேர்ந்த நான்கு பேர் உயிரிழந்த சம்பவம் அப்பகுதியில் பேரும் பரபரப்பை ஏற்படுத்தியுள்ளது.
English Summary
four peoples died and three peoples injured for fire accident in ulunthur pettai