அரசு பேருந்தை சூறையாடிய காட்டு யானை - பயணிகளின் நிலை என்ன?

ஆந்திர மாநிலத்தில் உள்ள, பார்வதிபுரம் மன்யம் மாவட்டத்தில் அர்த்தம் கிராமத்தில் நேற்று சாலையில் வந்து கொண்டிருந்த தனியார் பேருந்தை காட்டுயானை ஒன்று தடுத்து நிறுத்தியது. இதைப்பார்த்து பயணிகள் அதிர்ச்சியடைந்தனர். அப்போது யானை, பேருந்தின் கண்ணாடிகளை தந்தத்தால் அடித்து உடைத்தது.

அப்போது, பேருந்தின் ஓட்டுநர், திடீரென பேருந்தை பின்னோக்கி இயக்கியுள்ளார். இருப்பினும், அந்த யானை பேருந்தை விடாமல் துரத்தியது. இதனால் பயந்துபோன பயணிகள் பேருந்தில் இருந்து இறங்கி சாலையில் ஓடினர். 

#BreakingNews: Elephant goes on rampage in Parvathipuram Manyam district of #AndhraPradesh. Head butts a private bus and charges locals. Forest officials trying to capture the animal. Huge traffic jam as vehicles stopped near Manna Gate of Komarada Mandal. @newstapTweets pic.twitter.com/2d9EunWrZQ

— Krishnamurthy (@krishna0302) September 4, 2023

அவர்களை யானை துரத்தியதனால் பயணிகள், அலறியபடி தப்பியோடினர். அதன் பிறகு யானை அங்கிருந்து சென்றது. யானை துரத்தியதில், பயணிகள் யாரும் காயமடையவில்லை.

இது தொடர்பான வீடியோ தற்போது சமூக வலைதளங்களில் பரவி வைரலாகி வருகிறது. இதுபோல், தொடர்ந்து வனத்துறையினர் உரிய நடவடிக்கை எடுக்க வேண்டும் என்று அப்பகுதி மக்கள் கோரிக்கை விடுத்துள்ளனர்.