கடந்த டிசம்பர் 27-ந் தேதி காங்கிரஸ் கட்சி தொடங்குவதாக இருந்த  ஜெய் பாபு, ஜெய் பீம், ஜெய் சம்விதான் அபியன் பிரசாரத்தை ஜனவரி 03-ந்தேதி தொடங்கும் என அறிவிக்கப்பட்டுள்ளது.

பிளாக்குள், மாவட்டங்கள், மாநிலங்கள் என அனைத்து இடங்களிலும் 
குறித்த பிரசாரம் தொடங்கப்படவுள்ளது. முன்னாள் பிரகாங்கிரஸ் கட்சி முன்னாள் பிரதமர் டாக்டர் மன்மோகன் சிங் டிசம்பர் மாதம் 26-ந்தேதி காலமானார். அதனால், அக்கட்சி ஏழு நாட்கள் துக்கம் அனுசரித்து,  பிரசாரததை ஒத்தி வைத்திருந்தது.

பெலகாவியில் (பெல்காம்) நடைபெற்ற காங்கிரஸ் செயற்குழுவில் இந்த பிரசாரத்தை முன்னெடுப்பதற்கு பற்றி முடிவு செய்யப்பட்டது.

03 தேதி தொடங்கும் இந்த பிரசாரம், இறுதியாக ஜனவரி 26-ந்தேதி மோவில் (Mhow) பொதுக்கூட்டமாக நடைபெறும் என்று கூறப்பட்டுள்ளது.

இந்திய குடியரசு உருவாக்கப்பட்டு, அரசியலமைப்பு  உருவாக்கப்பட்ட 75-வது வருடத்தை கொண்டாடும் வகையில் டாக்டர் அம்பேத்கரின் ஜென்மபூமி மோவில் குறித்த பொதுக்கூட்டம் நடத்தப்பட இருக்கிறது. 

மகாத்மா காந்தியின் பாரம்பரியத்தையும், அரசியலமைப்பையும் பாதுகாத்து, மேம்படுத்த வேண்டியதன் அவசியத்தைக் கருத்தில் கொண்டு, இந்த இயக்கம் ஜனவரி 26-ம் தேதிக்கு பிறகும் இந்த பிரசாரத்தை நீடிக்கும் எனத் தெரிவித்துள்ளது.

ஜனவரி 26-ந்தேதி முதல் 2026 ஜனவரி 26-ந்தேதி வரை காங்கிரஸ் மிகப்பெரிய பாதயாத்திரை பிரசாரத்தை தொடங்கும் எனவும் கூறப்பட்டுள்ளது. 

இதில் அனைத்து தலைவர்களும் பங்கேற்பார்கள். இந்த பாதயாத்திரை கிராமம் கிராமமாக, நகரம் நகரமாக ரிலே வடிவில் இருக்கும் என காங்கிரஸ் அறிவித்துள்ளமை குறிப்பிடத்தக்கது.