ஆந்திர மாநிலத்தில் பெங்களூரு-கடப்பா-விஜயவாடா நெடுஞ்சாலை வழித்தடத்தில் 24 மணி நேரத்தில் 28.95 கிலோமீட்டர் தூரத்திற்கு 10,675 மெட்ரிக் டன் கான்கிரீட் சாலை அமைத்து புதிய சாதனை படைக்கப்பட்டுள்ளது. இதுதொடர்பாக ஆந்திர முதலமைச்ர் சந்திரபாபு நாயுடு தனது எக்ஸ் வலைதளத்தில் கூறியுள்ளதாவது:

''இந்தியாவுக்குப் பெருமையான தருணம் 🇮🇳 | ஆந்திரப் பிரதேசம்!!

இன்று, தேசிய நெடுஞ்சாலை ஆணையம் (NHAI), மெஸ்ஸர்ஸ் ராஜ்பத் இன்ஃப்ராகான் பிரைவேட் லிமிடெட் நிறுவனம் மூலம், ஆந்திரப் பிரதேசத்தில் உள்ள பெங்களூரு–கடப்பா–விஜயவாடா பொருளாதார வழித்தடத்தில் (NH-544G), 24 மணி நேரத்திற்குள் தொடர்ச்சியாக 28.95 லேன்-கிலோமீட்டர் தூரத்திற்கு 10,675 மெட்ரிக் டன் பிடுமினஸ் கான்கிரீட் அமைத்து, இரண்டு கின்னஸ் உலக சாதனைகளைப் படைத்துள்ளது.

Proud moment for India 🇮🇳 | Andhra Pradesh

Today, NHAI, through M/s Rajpath Infracon Pvt. Ltd., achieved two Guinness World Records in Andhra Pradesh on the Bengaluru–Kadapa–Vijayawada Economic Corridor (NH-544G) by laying 28.95 lane-kilometres and 10,675 MT of Bituminous… pic.twitter.com/d7oyJnkfPH

— N Chandrababu Naidu (@ncbn) January 7, 2026

இந்த அசாதாரண சாதனை, இந்திய அரசாங்கத்தின் தொலைநோக்குப் பார்வை, திரு. நிதின் கட்கரி அவர்களின் கீழ் உலகத் தரம் வாய்ந்த நெடுஞ்சாலை உள்கட்டமைப்புக்கு அளிக்கப்படும் தொடர்ச்சியான முக்கியத்துவம், மற்றும் பொறியாளர்கள், தொழிலாளர்கள் மற்றும் களக் குழுக்களின் சிறப்பான அர்ப்பணிப்பு ஆகியவற்றைப் பிரதிபலிக்கிறது. மேலும், இது தேசிய நெடுஞ்சாலை ஆணையத்தின் கடுமையான தரநிலைகளுக்கு முழுமையாக இணங்கி செயல்படுத்தப்பட்டது.

ஆந்திரப் பிரதேசத்தில் உள்ள இந்த முக்கிய வழித்தடத்தின் பேக்கேஜ்கள் 02 மற்றும் 03-இல், 2026 ஆம் ஆண்டு ஜனவரி 11 ஆம் தேதிக்குள் மேலும் இரண்டு கின்னஸ் உலக சாதனைகள் படைக்கப்பட உள்ள நிலையில், அந்த அணிக்கு எங்களின் நல்வாழ்த்துகள். இந்தியா கட்டமைக்கிறது. ஆந்திரப் பிரதேசம் சாதிக்கிறது.'' என்று குறிப்பிட்டுள்ளார்.