ஜம்மு காஷ்மீரில் கோர விபத்து - பேருந்து பள்ளத்தில் கவிழ்ந்ததில் 10 பேர் பலி
10 killed in bus overturns a ditch in Jammu Kashmir
அமிர்தசரஸில் இருந்து கத்ரா நோக்கிச் சென்ற பேருந்து பள்ளத்தில் கவிழ்ந்து விபத்துக்குள்ளானதில் 10 பேர் உயிரிழந்துள்ளனர்.
ஜம்மு காஷ்மீர் மாநிலம் அமிர்தசரஸில் இருந்து கத்ரா நோக்கி பயணிகளுடன் பேருந்து ஒன்று சென்று கொண்டிருந்தது. அப்பொழுது ஜம்மு-ஸ்ரீநகர் தேசிய நெடுஞ்சாலையில், ஜஜ்ஜார் கோட்லி பகுதியில் சென்ற பேருந்து எதிர்ப்பாராதவிதமாக பள்ளத்தாக்கில் கவிழ்ந்து விபத்துக்குள்ளானது. இந்த விபத்தில் 10 பேர் உயிரிழந்துள்ளனர். மேலும் பலர் காயமடைந்துள்ளனர்.
இதையடுத்து இந்த விபத்து குறித்து தகவல் அறிந்து வந்த போலீசார், மீட்பு பணியில் ஈடுபட்டனர். இதைத்தொடர்ந்து காயமடைந்தவர்கள் ஜம்முவில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டனர். மேலும் பேருந்து கத்ராவில் உள்ள மாதா வைஷ்ணோ தேவி கோயிலுக்கு யாத்ரீகர்களை ஏற்றிச் சென்றதாக தெரிவிக்கப்பட்டுள்ளது. இதைத்தொடர்ந்து, இந்த விபத்து குறித்து போலீசார் விசாரணை மேற்கொண்டு வருகின்றனர்.
English Summary
10 killed in bus overturns a ditch in Jammu Kashmir