தெலுங்கு சினிமாவின் முன்னணி நடிகர் நந்தமூரி பாலகிருஷ்ணா (பாலையா) நடிப்பில், பெரும் எதிர்பார்ப்புக்குள்ளான 'அகண்டா' திரைப்படத்தின் இரண்டாம் பாகமான 'அகண்டா 2' படத்தின் டிரெய்லர் தற்போது வெளியாகி, ரசிகர்களிடையே வரவேற்பைப் பெற்றுள்ளது.

பின்னணி: 2021-இல் வெளியான 'அகண்டா' திரைப்படம் மாபெரும் வெற்றியைப் பெற்ற நிலையில், அதன் இரண்டாம் பாகம் தற்போது உருவாகியுள்ளது.

படக்குழு: ஆக்‌ஷன் படமாக உருவாகியுள்ள இப்படத்தை போயபதி ஸ்ரீனு இயக்கியுள்ளார். இதில் சம்யுக்தா மேனன் முக்கியக் கதாபாத்திரத்தில் நடிக்க, ஆதி வில்லன் வேடத்தில் மிரட்டியுள்ளார். இசையமைப்பாளர் தமன் இசையமைத்துள்ளார்.

டிரெய்லரின் பேசுபொருள்

சமீபத்தில் வெளியான டிரெய்லரில், சனாதன தர்மத்தைப் பாதுகாக்கும் பாலகிருஷ்ணாவின் ஆக்‌ஷன் காட்சிகள் நிறைந்த வசனங்கள் இடம்பெற்றுள்ளன.

"இந்த உலகத்துல எந்த நாட்டுக்கு போனாலு உங்க கண்ணுக்கு தெரியிறது 'ஒரு மதம்'. இந்த நாட்டுல எங்க பாத்தாலும் உங்க கண்ணுக்கு தெரியிறது ஒரு தர்மம், 'சனாதன இந்து தர்மம்'. தேசத்தோட தலையிட்டா நீங்க கண்டிப்பீங்க, தெய்வத்தோட தலையிட்ட நாங்க தண்டிப்போம்."

இந்த வசனங்கள் மூலம், வெளிநாட்டினரால் சனாதன தர்மத்திற்கு வரும் ஆபத்தைத் தடுக்கும் பாலகிருஷ்ணாவின் கதாபத்திரம் முன்னிலைப்படுத்தப்பட்டுள்ளது.

'அகண்டா 2' திரைப்படம் வரும் டிசம்பர் 5-ஆம் தேதி ஐந்து மொழிகளில் வெளியாக உள்ளது குறிப்பிடத்தக்கது.