ஈரான் மீதான அமெரிக்க-இஸ்ரேல் வான்வழித் தாக்குதலில் உச்சத் தலைவர் காமேனி கொல்லப்பட்டதைத் தொடர்ந்து, மத்திய கிழக்கு பிராந்தியம் ஒரு முழுமையான போர்க்களமாக மாறியுள்ளது. இந்தச் சூழலில், தனது நீண்ட காலக் கூட்டாளியான ஸ்பெயின் மீது அமெரிக்க அதிபர் டொனால்ட் டிரம்ப் கடும் கோபத்தை வெளிப்படுத்தியுள்ளார்.

ஸ்பெயினுக்கு அமெரிக்கா விடுத்த 'செக்':
ஈரான் மீதான தாக்குதல்களைத் தீவிரப்படுத்த, ஸ்பெயினின் ரோட்டா (Rota) மற்றும் மோரோன் (Moron) ராணுவத் தளங்களில் நிறுத்தி வைக்கப்பட்டுள்ள தனது போர் விமானங்களைப் பயன்படுத்த அமெரிக்கா திட்டமிட்டது. ஆனால், தனது மண்ணிலிருந்து ஈரான் மீது தாக்குதல் நடத்தவோ அல்லது ராணுவத் தளவாடங்களைப் பயன்படுத்தவோ ஸ்பெயின் அரசு அதிரடியாக அனுமதி மறுத்துவிட்டது.

டிரம்பின் அதிரடி பதிலடி:
இதனால் ஆத்திரமடைந்த அதிபர் டிரம்ப், ஸ்பெயினுடனான அனைத்து வர்த்தக மற்றும் தூதரக உறவுகளையும் துண்டிப்பதாக அறிவித்துள்ளார்:

உறவுகள் முறிவு: "ராணுவ ரீதியான உதவி செய்ய மறுத்த ஸ்பெயினுடன் இனி எந்த உறவும் கிடையாது. வர்த்தகம் முற்றிலும் துண்டிக்கப்படும்" என அவர் சாடியுள்ளார்.

நேரடி எச்சரிக்கை: "அவர்கள் தங்களது தளங்களைப் பயன்படுத்த அனுமதி இல்லை என்று சொல்லலாம். ஆனால், நாங்கள் நினைத்தால் அங்கு பறந்து செல்வோம்; எங்களை எவரும் மறிக்க முடியாது" என டிரம்ப் பகிரங்க மிரட்டல் விடுத்துள்ளார்.

ஈரானின் பதிலடித் தாக்குதலில் மத்திய கிழக்கில் உள்ள அமெரிக்கத் தளங்கள் சேதமடைந்துள்ள நிலையில், ஸ்பெயினின் இந்த மறுப்பு நேட்டோ (NATO) நாடுகளிடையே பெரும் விரிசலை ஏற்படுத்தியுள்ளது.