ஆஸ்திரேலியாவில் இருந்து கடந்த 05 ஆண்டுகளில் இந்தியர்கள் உள்பட வெளிநாட்டவர்கள் அதிகளவு குடியேறியுள்ளனர். இதனை கண்டித்து அந்நாட்டு மக்கள் போராட்டத்தில் ஈடுபட்டுள்ளனர். நாடு முழுவதும் நடந்த இந்தப் போராட்டத்தில் ஆயிரக்கணக்கானோர் பங்கேற்றுள்ளனர். போராட்டத்தில் வெளிநாட்டவர்கள் குடியேற்றத்திற்கு எதிராக, பதாகைகள் மற்றும் துண்டு பிரசுரங்களை அவர்கள் விநியோகித்தனர்.

அந்த துண்டு பிரசுரங்களில், 100 ஆண்டுகளில் வந்த கிரேக்கர்கள் மற்றும் இத்தாலியர்களை விட, 05 ஆண்டுகளில் அதிகமான இந்தியர்கள் வந்துள்ளனர் என்றும், இது நமக்குத் தெரிந்த ஒரு நாட்டிலிருந்து மட்டுமே வந்துள்ளவர்கள். இந்த குடியேற்றம் ஒரு கலாசார தாக்கத்தை ஏற்படுத்துகிறது என்று குறிப்பிட்டுள்ளனர். இது ஒரு சிறிய கலாசார மாற்றம் அல்ல. பன்னாட்டு நிதியால் சுரண்டப்படுவதற்கான ஒரு பொருளாதார மண்டலம் ஆஸ்திரேலியா அல்ல எனவும் குறிப்பிடப்பட்டிருந்தது.

ஆஸ்திரேலியர்களின் இந்தப் போராட்டத்திற்கு அந்நாட்டு அரசு கடும் கண்டனம் தெரிவித்துள்ளது. அத்துடன், குறித்த போராட்டம் வெறுப்பை பரப்புவது போல் இருப்பதாகவும், இரண்டாம் உலகப் போருக்குப் பிறகு உருவான ஒரு தீவிர வலதுசாரி அரசியல் மற்றும் சமூக இயக்கத்திற்கு இந்தப் போராட்டத்தில் தொடர்பு இருப்பதாகவும் குற்றம் சாட்டியுள்ளது.

இதேவேளை, பல்வேறு இடங்களில் போராட்டம் நடத்தியவர்களுக்கும், போலீசாருக்கும் இடையே தள்ளுமுள்ளு ஏற்பட்டதில், 06 பேர் கைது செய்யப்பட்ட நிலையில், இரு போலீசார் காயமடைந்துள்ளனர். அமெரிக்காவில் இருந்து சட்ட விரோத குடியேற்றவாசிகள் அதிரடியாக வெளியேற்றப்பட்ட நிலையில், ஆஸ்திரேலியாவில் இந்தியர்களின் அதிக அளவு குடியேற்றம் குறித்து அந்நாட்டு மக்கள் போராட்டத்தில் ஈடுப்பட்டுள்ளமை அதிர்ச்சியை ஏற்படுத்தியுள்ளது.