லாபகரமான ஒப்பந்தம்! ஜப்பான் அமெரிக்காவிற்கு 15% பரஸ்பர வரி செலுத்தும்..! - டிரம்ப் அறிவிப்பு

அமெரிக்கா அதிபர் டொனால்ட் டிரம்ப் பல்வேறு நாடுகளுடன் வர்த்தக ஒப்பந்தம் தொடர்பாக தொடர்ந்து பேச்சுவார்த்தை நடத்தி வருகிறது. இதில் சில நாடுகளுடன் உடன்பாடு ஏற்பட்டுள்ளது. இந்நிலையில் ஜப்பானுடன் வர்த்தக ஒப்பந்தம் ஏற்பட்டுள்ளதாக டிரம்ப் அறிவித்துள்ளார்.

டொனால்ட் டிரம்ப்:

இதுகுறித்து அவர் தெரிவித்ததாவது,"ஜப்பானுடன் மிகப்பெரிய ஒப்பந்தம் செய்யப்பட்டுள்ளது. அந்த நாட்டிலிருந்து இறக்குமதி செய்யப்படும் பொருட்களுக்கு 15% வரிகள் விதிக்கப்படும்.இதுவரை செய்யப்பட்ட மிகப்பெரிய ஒப்பந்தத்தின் ஒரு பகுதியாக, அமெரிக்கா 90% லாபத்தைப் பெறும்.

ஜப்பான் அமெரிக்காவில் 550 பில்லியன் டாலர்களை முதலீடு செய்யும். இந்த ஒப்பந்தம் லட்சக்கணக்கான வேலைவாய்ப்புகளை உருவாக்கும். இதுபோன்ற எதுவும் இதற்கு முன்பு இருந்ததில்லை.

ஜப்பான் அமெரிக்காவிற்கு 15 % பரஸ்பர வரிகளை செலுத்தும். இது அமெரிக்காவிற்கு மிகவும் உற்சாகமான நேரம். ஜப்பானுடன் நாம் எப்போதும் சிறந்த உறவைக் கொண்டிருப்போம்" என்று தெரிவித்துள்ளார்.

அதேபோல் பிலிப்பைன்ஸ் நாடுடனும் வர்த்தக ஒப்பந்தம் ஏற்பட்டுள்ளதாக டொனால்ட் டிரம்ப் தெரிவித்துள்ளார்.