அமெரிக்கா | ராட்சத முதலை வாயில் கிடந்த மனித உடல்! ஆய்வில் அதிர்ச்சி தகவல்!
alligator with human remains killed florida
அமெரிக்கா புளோரிடா மாநிலத்தில் உள்ள ஷெரீப் அலுவலகத்திற்கு அருகே உள்ள நீர்நிலை ஒன்றில் ஏதோ ஒரு உடல் தென்படுவதாக அதிகாரிகளுக்கு தகவல் கிடைத்தது.
தகவலின் பெயரில் உடனடியாக அதிகாரிகள் சம்பவ இடத்திற்கு விரைந்து சென்றனர். சம்பவம் இடத்தில் உள்ள நீர் நிலையில் சுமார் 13 அடி நீளம் கொண்ட முதலை காணப்பட்டது.
மேலும் அதன் வாயில் ஒரு மனித உடல் பாகம் கிடந்தது. இதனை அடுத்து ஷெரீப் உத்தரவின் பேரில் அந்த முதலை சுட்டு கொலை செய்யப்பட்டது.
பின்னர் அதன் வாயிலிருந்து மனித உடல் பாகங்களை அதிகாரிகள் ஆய்வு செய்வதற்காக வெளியே எடுத்தனர். இந்த நடவடிக்கை அந்த மாநில மீன் மற்றும் வனவிலங்கு பாதுகாப்பு ஆணைய அதிகாரிகளும் இணைந்து செயல்பட்டனர்.
மீட்ட உடல் பாகங்களை ஆய்வு செய்தபோது சப்ரீனா பெக்காம் (வயது 41) என்ற பெண் என்பது தெரியவந்துள்ளது. சில மணி நேரம் தொடர்ந்து நடைபெற்ற இந்த நடவடிக்கையால் அப்பகுதி மக்கள் அதிர்ச்சியில் உறைந்தனர்.
இது குறித்து அப்பகுதியைச் சேர்ந்தவர் தெரிவிக்கையில், இவ்வளவு நீளமான ஒரு ராட்சத முதலை இங்குள்ள ஏரியில் இருக்கும் என நினைத்துக் கூட பார்க்கவில்லை என தெரிவித்தார். இந்த சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர்.
English Summary
alligator with human remains killed florida