தேனிசை தென்றல் தேவாவின் இசையில், எஸ்.ஜி.எஸ். கிரியேட்டிவ் மீடியா எஸ்பிஆர் தயாரிப்பில் உருவாகியிருக்கும் திரைப்படம் "வா வரலாம் வா". 

தயாரிப்பாளர் எஸ்பிஆர், இயக்குநர் எல்.ஜி. ரவிசந்தர் உடன் இணைந்து இப்படத்தை இயக்கியுள்ளார். கதாநாயகனாக பிக்பாஸ் பாலாஜி முருகதாஸ், நாயகியாக மஹானா சஞ்சீவி, வில்லனாக "மைம்" கோபி, முக்கிய கதாபாத்திரத்தில் ரெடின் கிங்ஸ்லீ, காயத்ரி ரெமா நடித்துள்ளார்.

மேலும், இயக்குநர்கள் சிங்கம்புலி, சரவண சுப்பையா, நடிகை தீபா, நடிகர்கள் வையாபுரி, வாசு விக்ரம், பயில்வான் ரங்கநாதன், மீசை ராஜேந்திரன், கிரேன் மனோகர் உள்ளிட்ட பல பிரபலங்களுடன் 40 குழந்தைகளும் நடித்துள்ளனர். வா வரலாம் வா திரைப்படம் வரும் டிசம்பர் 1 ஆம் தேதி திரையரங்குகளில் வெளியாகிறது.

தேனிசைத்தென்றல் தேவா இசையமைத்துள்ள இந்த திரைப்படத்தின் இசை வெளியிட்டு விழா கடந்த 15.11.2023 சென்னை சாலிகிராமம் பிரசாத் லேப்பில் நடைபெற்றது. 

முன்னணி தமிழ் திரைப்பட தயாரிப்பாளர்கள், இயக்குநர்கள், நடிகர்கள் கலந்துகொண்டு 'வா வரலாம் வா' திரைப்படத்தின் பாடல்கள் மற்றும் ட்ரையிலரை வெளியிட்டனர். 

இந்நிலையில், எஸ்ஜிஎஸ் மியூஸிக்ஸ் யூடியூப் தளத்தில் வெளியான ''வா வரலாம் வா'' திரைப்படத்தின் டிரைலர் இதுவரை 20 லட்சம் (2 million views) பார்வைகளை கடந்து, ரசிகர்களில் பேராதரவை பெற்றுள்ளது.

மேலும், தேவாவின் தேனிசையோடு அவரின் குரலில் வெளியான ஜில்லு ஜில்லு பாடலும் 7 லட்சம் பார்வைகளை கடந்து, ட்ரெண்டாகி வருகிறது.