'சூப்பர் குட் ஃபிலிம்ஸ்' தயாரிப்பாளர் ஆர்.பி. சௌத்ரி சாலை விபத்தில் காலமானார்: தமிழ் திரையுலகில் பெரும் சோகம்!
Veteran Film Producer RB Choudary Passes Away Following Tragic Road Accident in Rajasthan
தமிழ் திரையுலகின் மூத்த தயாரிப்பாளரும், பிரபல நடிகர் ஜீவாவின் தந்தையுமான ஆர்.பி. சௌத்ரி (R.B. Choudary) இன்று (மே 5, 2026) காலமானார் என்ற அதிர்ச்சிகரமான செய்தி வெளியாகியுள்ளது.
ராஜஸ்தான் மாநிலம் ஜோத்பூரில் ஏற்பட்ட ஒரு கோரமான சாலை விபத்தில் அவர் சிக்கியதாகத் தகவல்கள் தெரிவிக்கின்றன. தனது சொந்த ஊரான உதய்பூருக்குப் பயணம் மேற்கொண்டிருந்தபோது இந்த எதிர்பாராத விபத்து நேர்ந்துள்ளது.
விபத்தில் மிகக் கடுமையான காயமடைந்த அவர், உடனடியாக மீட்கப்பட்டு அருகிலுள்ள மருத்துவமனையில் அவசரச் சிகிச்சைக்காக அனுமதிக்கப்பட்டார். அங்கு மருத்துவர்கள் அவருக்குத் தீவிர சிகிச்சை அளித்து வந்த போதிலும், சிகிச்சை பலனின்றி அவர் உயிரிழந்தார்.
'சூப்பர் குட் ஃபிலிம்ஸ்' (Super Good Films) நிறுவனத்தின் மூலம் தமிழ், தெலுங்கு, மலையாளம் உள்ளிட்ட தென்னிந்திய மொழிகளில் நூற்றுக்கணக்கான வெற்றிப் படங்களைத் தயாரித்த பெருமை இவருக்கு உண்டு. பல முன்னணி நட்சத்திரங்களை திரையுலகிற்கு அறிமுகம் செய்த ஒரு முன்னோடி தயாரிப்பாளராக அவர் போற்றப்பட்டார். அவரது திடீர் மறைவு ஒட்டுமொத்த இந்தியத் திரைத்துறையினரையும் ஆழ்ந்த துயரத்தில் ஆழ்த்தியுள்ளது.
English Summary
Veteran Film Producer RB Choudary Passes Away Following Tragic Road Accident in Rajasthan