புதுச்சேரியில் பிரச்சாரம் செய்யப்போகும் விஜய் - அனுமதி கோரி தவெகவினர் மனு.!!
tvk vijay election campaign in puthuchery coming 11th
அடுத்தாண்டு நடைபெறவுள்ள தமிழகம் மற்றும் புதுவை சட்டமன்ற தேர்தலில் நடிகர் விஜய்யின் தமிழக வெற்றிக்கழகம் போட்டியிட உள்ளது. இதனை முன்னிட்டு த.வெ.க. தலைவர் விஜய் முதல் கட்ட பிரசாரத்தை தொடங்கியுள்ளார்.
இந்த நிலையில் தவெக தலைவர் விஜய் வருகிற அக்டோபர் மாதம் 11-ந் தேதி காலை புதுச்சேரிக்கு வர உள்ளார். இந்த நிலையில், த.வெ.க. சார்பில் பிரசாரம் நடத்த அனுமதி கோரி காவல்துறை தலைமை அலுவலகத்தில் மனு அளித்தனர்.
தொடர்ந்து த.வெ.க.வினர் முதலமைச்சர் ரங்கசாமியை சந்தித்து மனு அளித்துள்ளனர்.
வருகிற 11-ந் தேதி புதுச்சேரிக்கு காலை 11 மணிக்கு வரும் விஜய்க்கு த.வெ.க.வினர் காலாப்பட்டில் வரவேற்பு தருகின்றனர்.
அங்கிருந்து பிரச்சார பேருந்தில் கிழக்கு கடற்கரை சாலை வழியாக வரும் அவர், புதுவை அஜந்தா சிக்னல், எஸ்.வி.பட்டேல் சாலை, அண்ணா சாலை, சோனாம்பாளையம், மரப்பாலம் பகுதிகளில் விஜய் ரோடு ஷோ நடத்தவும், சோனாம் பாளையம் வாட்டர் டேங்க் அருகே விஜய் பேசவும் அனுமதி கோரி உள்ளனர்.
அங்கிருந்து அரியாங்குப்பம், மண வெளி, கன்னியகோவில் வழியாக விஜய் கடலூர் செல்கிறார். விஜய் பிரச்சாரத்துக்கு பல்வேறு நிபந்தனைகளுடன் காவல்துறை அனுமதி அளிக்கும் என்று தெரிகிறது.
English Summary
tvk vijay election campaign in puthuchery coming 11th