திருவள்ளூர் மாவட்டம் திருத்தணியைச் சேர்ந்த நாகராஜ் என்ற 20 வயது இளைஞர், இளங்கலை பொருளாதாரம் படித்து வந்த நிலையில், சில காரணங்களால் தனது படிப்பை பாதியில் நிறுத்தியதாக தெரிவிக்கப்படுகிறது. பின்னர் கிடைத்த வேலைகளுக்குச் சென்று வந்துள்ளார்.இந்நிலையில், சமூக வலைதளம் வாயிலாக நீலகிரி மாவட்டம் ஊட்டியைச் சேர்ந்த 15 வயது சிறுமியுடன் நாகராஜுக்கு அறிமுகம் ஏற்பட்டதாக கூறப்படுகிறது.

இருவரும் நீண்ட நாட்களாக இணையவழியில் பேசி பழகி வந்த நிலையில், நாளடைவில் அந்தப் பழக்கம் காதலாக மாறியதாக தெரிவிக்கப்படுகிறது.இதனைத் தொடர்ந்து நாகராஜ் அவ்வப்போது ஊட்டிக்குச் சென்று அந்தச் சிறுமியை சந்தித்து வந்ததாக கூறப்படுகிறது.இந்த நிலையில், சில நாட்களுக்கு முன்பு சிறுமி திடீரென வீட்டில் இருந்து காணாமல் போனதாக தெரிவிக்கப்படுகிறது.

இதனால் அதிர்ச்சியடைந்த அவரது பெற்றோர் உடனடியாக ஊட்டி மேற்கு காவல் நிலையத்தில் புகார் அளித்தனர்.புகாரின் அடிப்படையில் காவலர்கள் விசாரணையை தீவிரப்படுத்தினர். சிறுமி யாருடன் சென்றிருக்கலாம், அவருக்கு அறிமுகமானவர்கள் யார் என்பது உள்ளிட்ட பல்வேறு கோணங்களில் விசாரணை மேற்கொள்ளப்பட்டது.

அப்போது, செல்போன் தொடர்பு மூலம் கிடைத்த தகவல்களின் அடிப்படையில் நாகராஜ் ஊட்டியில் உள்ள ஒரு தனியார் விடுதியில் தங்கியிருப்பது தெரியவந்ததாக தெரிவிக்கப்படுகிறது.இதையடுத்து காவலர்கள் சம்பந்தப்பட்ட தனியார் விடுதிக்கு விரைந்து சென்றனர்.

அங்கு நாகராஜுடன் சிறுமியும் இருந்ததாக கூறப்படுகிறது.உடனடியாக சிறுமியை காவலர்கள் மீட்டு, அவரிடம் விசாரணை மேற்கொண்டனர். அதன்பின்னர் நடத்தப்பட்ட விசாரணையில், திருமணம் செய்து கொள்வதாக ஆசைவார்த்தை கூறி நாகராஜ் சிறுமியிடம் பாலியல் வன்கொடுமையில் ஈடுபட்டதாக தெரியவந்ததாக தெரிவிக்கப்படுகிறது.

இதையடுத்து நாகராஜ் மீது குழந்தைகளை பாலியல் குற்றங்களிலிருந்து பாதுகாக்கும் சட்டத்தின் கீழ் வழக்குப்பதிவு செய்த காவலர்கள், அவரை கைது செய்தனர்.பின்னர் நீதிமன்றத்தில் ஆஜர்படுத்தப்பட்ட நாகராஜை, நீதிமன்ற உத்தரவின்படி சிறையில் அடைத்ததாக தெரிவிக்கப்படுகிறது.

சமூக வலைதளங்கள் மூலம் சிறார்களிடம் ஏற்படும் அறிமுகம், பின்னர் பல்வேறு ஆபத்துகளுக்கு வழிவகுக்கக்கூடும் என்பதால், பெற்றோர் தங்களது குழந்தைகளின் இணையவழி நடவடிக்கைகளை பாதுகாப்பான முறையில் கண்காணிக்க வேண்டியதன் அவசியத்தை இந்தச் சம்பவம் மீண்டும் உணர்த்தியுள்ளது.