கோவை: 10ஆம் வகுப்பில் ஒரே மதிப்பெண் எடுத்த இரட்டைச் சகோதரிகள் - குவியும் வாழ்த்து!

கோவையின் ராமநாதபுரத்தைச் சேர்ந்த கூலி தொழிலாளியின் இரட்டையர் மகள்கள் கனிகா மற்றும் கவிதா, 2025 ஆம் ஆண்டின் பத்தாம் வகுப்பு பொதுத் தேர்வில் ஒரே மதிப்பெண் பெறும் சாதனையை படைத்துள்ளனர். தலா 474 மதிப்பெண்கள் பெற்று இருவரும் அனைவரையும் ஆச்சரியப்பட வைக்கின்றனர்.

வறுமை சூழலிலும் விடாமுயற்சியுடன் பாடம் படித்த இரட்டையர்களும், ஒரே நேரத்தில் ஒரே எண்ணிக்கையைப் பெறுவதன் மூலம் தங்கள் தேர்ச்சியை மட்டுமல்ல, உறுதித் தன்மையையும் நிரூபித்துள்ளனர்.

தமிழில் 95, 96;
ஆங்கிலத்தில் 97, 98;
கணிதத்தில் இருவரும் 94;
அறிவியலில் 89, 92;
சமூக அறிவியலில் 95, 98 என மதிப்பெண்கள் பெற்றுள்ளனர்.

தந்தையின் தினசரி கூலி வருமானமே குடும்பத்தின் ஆதாரமாக இருந்தாலும், அவர்களின் கல்வி மீது வைத்த நம்பிக்கையும் உழைப்பும் இன்று பெருமை தரும் வெற்றியாகியுள்ளது.

கனிகா மற்றும் கவிதாவின் வெற்றி, சாதனையென்றால் எவ்வளவு சாதாரணக் குடும்பத்திலிருந்தும் பெரிய கனவுகளை நோக்கி பயணிக்க முடியும் என்பதற்கான உதாரணமாகத் திகழ்வதாக பலரும் பாராட்டி வருகின்றனர்..

பள்ளி ஆசிரியர்கள், உறவினர்கள், கிராம மக்கள் என அனைவரும் இவர்களது வெற்றியை கொண்டாடி வாழ்த்து தெரிவித்து வருகின்றனர்.