#தஞ்சாவூர் || சொகுசு பேருந்து கார் மீது மோதி விபத்து.! மூதாட்டி உயிரிழப்பு.!

தஞ்சாவூரில் சொகுசு பேருந்து கார் மீது மோதிய விபத்தில் மூதாட்டி உயிரிழந்து உள்ளார்.

சென்னையில் இருந்து தஞ்சாவூர் சென்ற சொகுசு பேருந்து ஒன்று தஞ்சாவூர் கும்பகோணம் சாலை குறுவாடி அருகே, திருச்சியில் இருந்து திருக்கடையூர் நோக்கி சென்ற கார் மீது மோதியது.

இதில் கார் நிலைதடுமாறி அருகே இருந்த பாலக்கட்டையின் மீது மோதி சாய்ந்தது. இதில் காரில் இருந்த பாக்கியலட்சுமி என்ற மூதாட்டி சம்பவ இடத்திலேயே பரிதாபமாக உயிரிழந்து உள்ளார். மேலும் 4 பேர் காயமடைந்துள்ளனர்.

இதையடுத்து அப்பகுதியில் இருந்தவர்கள் படுகாயம் அடைந்தவர்களை மீட்டு சிகிச்சைக்காக தஞ்சாவூர் அரசு மருத்துவமனைக்கு கொண்டு சென்றனர்.

மேலும் இந்த விபத்து குறித்து தகவல் அறிந்து வந்த காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.