பிரதமர் நரேந்திர மோடியின் தலைமையில் மத்திய அரசு, சத்ரபதி சிவாஜியின் சுயாட்சி கொள்கையை நிறைவேற்ற பாடுபடுகிறது என்று அமித்ஷா கூறினார்.

சத்ரபதி சிவாஜி மகாராஜின் 345வது நினைவு தினத்தையொட்டி மகாராஷ்டிராவின் ராய்கட் கோட்டையில் ஏற்பாடு செய்யப்பட்ட நிகழ்ச்சியில் மத்திய உள்துறை அமைச்சரும் கூட்டுறவு அமைச்சருமான அமித் ஷா பொதுமக்களிடையே உரையாற்றினார். தனது உரையில், சத்ரபதி சிவாஜி மகாராஜின் வாழ்க்கையும் இலட்சியங்களும் ஒவ்வொரு இந்தியருக்கும் உத்வேகத்தை அளிக்கும் ஆதாரமாக உள்ளன என்று அவர் கூறினார். "சிவசரித்திரம்" இந்தியாவில் உள்ள ஒவ்வொரு குழந்தைக்கும் கற்பிக்கப்பட வேண்டும் என்றும், இதனால் வருங்கால சந்ததியினர் தேசபக்தி, தலைமைத்துவம் மற்றும் சுயராஜ்ஜியத்தின் மதிப்புகளை உள்வாங்க முடியும் என்றும் ஷா வலியுறுத்தினார்.

மாவீரர் சிவாஜியின் ஆட்சி ஏழைகள் மற்றும் தாழ்த்தப்பட்டவர்களின் மேம்பாட்டிற்கும், சுயாட்சியை நிறுவுவதற்கும் அர்ப்பணிக்கப்பட்டது. தேசத்தில் ஒற்றுமை, சமத்துவம் மற்றும் பெண்களின் பாதுகாப்பு குறித்த அவரது விழிப்புணர்வு இன்றும் முன்மாதிரியாக உள்ளது. அவர் ஒரு போர்வீரராக மட்டுமல்லாமல், தேசத்தைக் கட்டியெழுப்பியவராகவும் இருந்தார். அவரது போர் உத்தி, கடற்படையின் வளர்ச்சிக்கான பங்களிப்பு மற்றும் நிர்வாக சீர்திருத்தங்கள் அவருக்கு வரலாற்றில் நிரந்தர இடத்தைப் பெற்றுத் தந்தன. இன்றைய இளைஞர்கள் மாவீரர் சிவாஜியின் கருத்துக்களை தங்கள் வாழ்க்கையில் ஏற்றுக்கொண்டால், இந்தியா உலகத் தலைவராக மாறுவதை யாராலும் தடுக்க முடியாது என்று அமித்ஷா குறிப்பிட்டார்.

சத்ரபதி சிவாஜியின் கொள்கைகள், இந்தியா அதன் சுதந்திர நூற்றாண்டு விழாவையும், ஒரு வல்லரசாக மாறுவதற்கான பயணத்தையும் கொண்டாட ஊக்குவிக்கின்றன. பிரதமர் நரேந்திர மோடியின் தலைமையில் மத்திய அரசு, சத்ரபதி சிவாஜியின் சுயாட்சி கொள்கையை நிறைவேற்ற பாடுபடுகிறது. 
என்றும் அவர் கூறினார்..