நகைச்சுவை நடிகர் சூரியின் ஓட்டல் மீது மீண்டும் புகார்.!
again pettition on actor soory hotel
தமிழ் சினிமாவில் 2009 ஆம் ஆண்டு வெளிவந்த வெண்ணிலா கபடிக்குழு படத்தின் மூலம் பிரபலமாகி, முன்னணி நகைச்சுவை நடிகராக வலம் வருபவர் சூரி. இவர் தனது சொந்த ஊரான மதுரையில் 'அம்மன்' என்ற பெயரில் உணவகம் ஒன்று நடத்தி வருகிறார்.
இந்த அம்மன் உணவகம் மதுரையில் உள்ள தெப்பக்குளம், அரசு மருத்துவமனை, ரிசர்வ்லைன் சந்திப்பு, ஊமச்சிக்குளம், நரிமேடு, ஒத்தக்கடை உள்ளிட்ட பல இடங்களில் செயல்படுகிறது.
இந்நிலையில், சூரிக்கு சொந்தமான உணவகங்களில் உணவு பொருட்களுக்கு ஜிஎஸ்டி வரி இல்லாமல் கட்டணம் வசூலிக்கப்படுவதாக சமீபத்தில் எழுந்த புகாரின் பேரில் வணிகவரித்துறையினர் சோதனை நடத்தியிருந்தனர்.
அதன் பின்னர் சூரியின் உணவகங்களுக்கு வணிகவரித்துறையினர் 10 ஆயிரம் ரூபாய் அபராதம் விதித்த நிலையில், மீண்டும் ஜிஎஸ்டி வரி இல்லாமல் பில் வழங்கப்படுவதாக புகார் எழுந்துள்ளது.
இதன காரணமாக அரசுக்கு பல்லாயிரக் கணக்கில் இழப்பு ஏற்படுவதாகவும், சூரி அமைச்சர்களுக்கு நெருக்கமானவர் என்பதால் இதுகுறித்து நடவடிக்கை எடுப்பதற்கு மறுக்கிறார்கள் என்று சமூக ஆர்வலர்கள் இந்த புகாரை எழுப்பியுள்ளதாகக் தெரிவிக்கப்படுகிறது.
English Summary
again pettition on actor soory hotel