10 மற்றும் 11ஆம் வகுப்பு பொதுத்தேர்வில் அதிக மதிப்பெண் எடுத்த மாணவர்களை நேரில் அழைத்து பாராட்டி கல்வி உதவித்தொகை வழங்க நடிகர் விஜய் வழங்க உள்ளதாக அறிவிக்கப்பட்டுள்ளது.

தமிழ் சினிமாவின் முன்னணி நடிகரான தளபதி விஜய் சினிமாவையும் தாண்டி அரசியலிலும் தீவிரமாக செயல்பட்டு வருகிறார். அந்த வகையில் விஜய் மக்கள் இயக்கம் என்ற பெயரில் அரசியலில் ஈடுபட்டு வருகிறார்.

அந்த வகையில் விஜய் மக்கள் இயக்கம் சார்பில் பொதுமக்களுக்கு பல்வேறு நலத்திட்ட உதவிகளையும் செய்து வருகிறார். இந்த நிலையில் தமிழகத்தில் 10 மற்றும் 12 வகுப்பு பொதுத்தேர்வில் அதிக மதிப்பெண் பெற்ற மாணவர்களுக்கு பரிசு மற்றும் கல்வி உதவித்தொகை வழங்க விஜய் மக்கள் இயக்கம் திட்டமிட்டுள்ளதாக தகவல் வெளியாகியது.

இந்த நிலையில் இது குறித்த அதிகாரப்பூர்வ அறிவிப்பை அகில இந்திய விஜய் மக்கள் இயக்கம் பொதுச் செயலாளர் புஸ்ஸி ஆனந்த் அறிவித்துள்ளார். 

அந்த அறிவிப்பில் தளபதி விஜய் அவர்களின் சொல்லுக்கிணங்க வரும் ஜூன் 17ஆம் தேதி (சனிக்கிழமை) அகில இந்திய தலைமை தளபதி விஜய் மக்கள் இயக்கம் சார்பாக சென்னை நீலாங்கரையில் உள்ள R.K Convention centre-ல் 2023 ஆம் ஆண்டு நடந்து முடிந்த 10 மற்றும் 12ம் வகுப்பு பொதுத் தேர்வில் தமிழ்நாடு முழுவதும் தொகுதி வாரியாக முதல் 3 இடங்களை பிடித்த மாணவ மாணவிகளுக்கு 'தளபதி விஜய்' அவர்கள் மாணவ மாணவிகளின் பெற்றோர்கள் முன்னிலையில் சான்றிதழ்கள் மற்றும் ஊக்கத்தொகை வழங்கி கௌரவப்படுத்த உள்ளார் என தெரிவிக்கப்பட்டுள்ளது.

அந்த வகையில் 234 தொகுதிகளிலும் . தொகுதிக்கு 6 மாணவர்கள், 2 பெற்றோர்கள் என  நிகழ்ச்சியில் பங்கேற்க அழைப்பு விடுக்கப்பட்டுள்ளது. மாணவர்கள், பெற்றோர்கள் உட்பட சுமார் 6,000 பேர் பங்கேற்பார்கள் என எதிர்பார்க்கப்படுகிறது.