நடப்பாண்டு ஐபிஎல் தொடர் தற்போது இறுதி கட்டத்தை எட்டியுள்ளது. அந்த வகையில் இன்றுடன் லீக் போட்டிகள் முடிவடைய உள்ளது. இதில் தற்போது வரை குஜராத் டைட்டன்ஸ், சென்னை சூப்பர் கிங்ஸ் மற்றும் லக்னோ சூப்பர் ஜெயன்ட்ஸ் ஆகிய 3 அணிகள் பிளே ஆப் சுற்றுக்கு முன்னேறியுள்ளது.

மீதமுள்ள ஒரு இடத்திற்கு மும்பை, பெங்களூர், ராஜஸ்தான் ஆகிய அணிகளுக்கிடையே கடும் போட்டி நிலவி வருகிறது. அதேபோல், டெல்லி, ஹைதராபாத், கொல்கத்தா மற்றும் பஞ்சாப் ஆகிய 4 அணிகள் நடப்பாண்டு ஐபிஎல் தொடரில் இருந்து ப்ளே ஆப் சுற்றுக்கு முன்னேறும் வாய்ப்பை இழந்துள்ளது.

இந்த நிலையில் இன்று இரவு 7.30 நடைபெறும் நடப்பாண்டு ஐபிஎல் தொடரின் கடைசி லீக் போட்டியில் பெங்களூர் - குஜராத் அணிகள் விளையாடி வருகின்றன. இதில் டாஸ் வென்ற குஜராத் அணி பவுலிங் தேர்வு செய்தது.

அதன்படி முதலில் பேட்டிங் செய்த பெங்களூர் அணி 20 முடிவில் 5 விக்கெட் இழப்பிற்கு 197 ரன்கள் குவித்துள்ளது. இதில் பெங்களூர் அணியில் சிறப்பாக விளையாடிய விராட் கோலி 61 பந்துகளில் (13 பவுண்டரி மற்றும் 1 சிக்ஸர்) 101 ரன்கள் குவித்துள்ளார்.

இதன் மூலம் அதிக சதங்கள் அடித்தவர்கள் பட்டியலில் விராட் கோலி முதலிடம் பிடித்துள்ளார். அந்த வகையில் ஐபிஎல் வரலாற்றில் பெங்களூர் அணியின் வீரர் விராட் கோலி 7 சதம் சதமடித்துள்ளார். அடுத்த படியாக கிறிஸ் கெய்ல் 6 சதமடித்துள்ளார்.

ஐபிஎல் வரலாற்றில் அதிக சதங்கள் அடித்தவர்கள் பட்டியல்

விராட் கோலி  - 7 சதங்கள்

கிறிஸ் கெய்ல் - 6 சதங்கள்

பட்லர் - 5 சதங்கள்

கே.எல்.ராகுல் - 4 சதங்கள்

டேவிட் வார்னர் - 4 சதங்கள்