விழுப்புரம் கூவாகம் கூத்தாண்டவர் கோயில் சித்திரை பெருவிழா ஏப்ரல் 29-ஆம் தேதி செவ்வாய்க்கிழமை துவங்கியது. கூவாகம் திருவிழாவின் முக்கிய நிகழ்ச்சியான 'மிஸ் திருநங்கை 2025' அழகு போட்டி நிகழ்ச்சி நடைபெற்று வருகிறது. 

இந்த விழாவில் கலந்து கொள்வதற்காக தமிழகத்தின் அனைத்து மாவட்டங்கள் மட்டுமின்றி இந்தியாவின் பல்வேறு மாநிலங்களில் இருந்தும் பல திருநங்கைகள் மற்றும் மற்றவர்களும் வந்துள்ளனர். அத்துடன், சிங்கப்பூர், மலேசியா உள்ளிட்ட பல்வேறு வெளிநாடுகளில் இருந்தும் ஆயிரக்கணக்கான திருநங்கைகள் கூவாகம் கிராமத்திற்கு வந்துள்ளனர்.

இந்நிலையில் மிஸ் திருநங்கை அழகிப்போட்டியில் சிறப்பு விருந்தினராக முன்னாள் அமைச்சர் பொன்முடி,  நடிகர் விஷால்  மற்றும் பலரும் கலந்துகொண்டுள்ளனர். இந்நிலையில் இந்த விழா மேடையில் நடிகர் விஷால் திடீரென மயங்கி விழுந்துள்ளார்.

இதனால் அங்கு பரபரப்பு ஏற்பட்டது. இருப்பினும் முதலுதவி சிகிச்சைக்கு பின் உடல்நலம் தேறி விஷால் தெளிவடைந்துள்ளார். உடனடியாக மயங்கி விழுந்த நடிகர் விஷாலை முன்னாள் அமைச்சர் பொன்முடி உடனிருந்து, மருத்துவமனைக்கு காரில் அழைத்து சென்றுள்ளார்.

சமீபத்தில் நடந்த மதகஜராஜா பட புரொமோஷனில் விஷால் கை நடுங்க பேசியத வீடியோ வெளியாகி வைரலானது. இந்நிலையில் தற்போது அவர் மயக்கமடைந்த சம்பவம் ரசிகர்களை மேலும் கவலையடையச் செய்துள்ளது. இதனால் அவரின் உடல்நலம் குறித்து பலரும் கவலை தெரிவித்து வருகின்றனர்.