புதிய உடையில் இந்திய அணி வீரர்கள்.! செம்ம வீடியோ.!
Team India is ready to don the new jersey
வருகின்ற 17 ஆம் தேதி முதல் நவம்பர் மாதம் 14ம் தேதி வரை டி20 உலக கோப்பை தொடர் நடக்க உள்ளது. இந்த தொடர் ஓமன் மற்றும் ஐக்கிய அரபு எமிரேட்ஸ் நாடுகளில் நடைபெற உள்ளது. டி20 உலக கோப்பை தொடரில் இந்திய அணி நேரடியாக 2-வது சுற்றில் விளையாடுகிறது. 12 நாடுகள் விளையாடும் இந்த சுற்றில், இந்திய அணி குரூப் இரண்டில் இடம்பெற்றுள்ளது.
மேலும், பாகிஸ்தான், நியூசிலாந்து, ஆப்கானிஸ்தான் மற்றும் முதல் தகுதி சுற்றில் தகுதி பெறும் இரண்டு அணிகள் இந்த பிரிவில் இடம்பெறுகின்றன. இந்திய அணி அனைத்து அணிகளுடனும் தலா ஒரு ஆட்டம் விளையாடுகின்றது.
இந்திய அணி வருகின்ற 24 ஆம் தேதி பாகிஸ்தான் அணியுடன் மோத உள்ளது. 31ஆம் தேதி நியூசிலாந்து அணியையும், நவம்பர் மாதம் மூன்றாம் தேதி ஆப்கானிஸ்தான் அணியையும் எதிர்கொள்கிறது. நவம்பர் மாதம் 5 மற்றும் 8ம் தேதிகளில் முதல் தகுதி சுற்றில் தகுதி பெற்ற இரு அணிகளுடன் இந்திய அணி மோத உள்ளது.
20 ஓவர் உலகக் கோப்பைக்கான இந்திய அணி ஏற்கனவே அறிவிக்கப்பட்டு உள்ளது. கேப்டன் விராட்கோலி தலைமையிலான இந்திய அணியில் 15 வீரர்கள் இடம் பெற்றுள்ளனர்.
இந்நிலையில், இந்திய அணிக்கு புதிய ஜெர்சியை இந்திய கிரிக்கெட் வாரியம் இன்று வெளியிட்டது. இதனை விராட் கோலி, ரோகித் சர்மா, கேஎல் ராகுல், ரவீந்திர ஜடேஜா மற்றும் ஜஸ்பிரித் பும்ரா ஆகியோர் அணிந்து அறிமுகப்படுத்தினர்.
English Summary
Team India is ready to don the new jersey