சர்வதேச டி20 போட்டிகளில் இருந்து ஓய்வு பெற்ற விராட் கோலி, தற்போது ஒருநாள், டெஸ்ட் மற்றும் ஐபிஎல் லீக் போட்டிகளில் விளையாடி வருகிறார்.

ஆனால் சமீபத்திய ஆட்டங்களில் அவர் எதிர்பார்த்த அளவுக்கு சிறந்து விளையாட முடியவில்லை. ஆஸ்திரேலியாவுக்கு எதிரான பார்டர்-கவாஸ்கர் தொடரிலும், ரஞ்சி தொடரிலும் அவரது ஆட்டம் பலவீனமடைந்தது.

குறிப்பாக, ரஞ்சி தொடரில் ஒரே போட்டியில் வெறும் 5 ரன்கள் எடுத்ததுதான் அவரது அணியில் நிலவும் நிலையை மோசமாக காட்டுகிறது.

இதற்கிடையே, இந்திய டெஸ்ட் அணியின் தற்போதைய கேப்டன் ரோஹித் சர்மா ஓய்வு பெற்றுள்ளதாக அறிவித்த நிலையில், விராட் கோலியும் டெஸ்ட் போட்டிகளில் இருந்து ஓய்வு பெற விரும்புவதாக BCCI வட்டாரங்கள் தெரிவித்துள்ளன.

விராட் கோலி 2014ல் டெஸ்ட் அணியின் கேப்டனாக பொறுப்பு ஏற்றபின், ரோஹித் 2022ல்  கேப்டனாக தலைமை ஏற்றார்.

இருவரும் இணைந்து இந்திய டெஸ்ட் அணியை கடந்த ஒரு தசாப்தமாக வழிநடத்தி வந்துள்ளனர். இவர்கள் இருவரது ஓய்வும் இந்திய அணிக்கு பெரும் பின்னடைவாக கருதப்படுகிறது.

இதனை எதிர்கொண்ட BCCI நிர்வாகிகள், விராட் கோலியை நேரில் சந்தித்து, அவரது ஓய்வுத் தீர்மானத்தை மறுபரிசீலனை செய்ய கேட்டுள்ளனர். தற்போது இங்கிலாந்துடன் டெஸ்ட் தொடர் நெருங்கி வந்துள்ள நிலையில், அவரது அனுபவம் அணிக்கு முக்கியம் என்பதே BCCIயின் நிலைப்பாடாகும்.