உலகம் முழுவதும் முடங்கிய இன்ஸ்டாகிராம் - அதிர்ச்சியில் பயனர்கள்.!
instagram service down
பிரபல சமூக வலைத்தளமான இன்ஸ்டாகிராம் சேவை உலகின் பல்வேறு பகுதிகளில் முடங்கியுள்ளதாக பயனர்கள் குற்றம் சாட்டியுள்ளனர். மேலும், செயலியில் இருந்து குறுந்தகவல் அனுப்ப முடியவில்லை என்று ஏராளமானோர் புகார் தெரிவித்துள்ளனர்.
இது குறித்து தகவல் வெளியிடும் டவுன்டிடெக்டர் இன்று மாலை 5.14 முதல் இன்ஸ்டாகிராம் சேவையில் பாதிப்பு ஏற்பட்டதாக தெரிவித்துள்ளது. மேலும், இதுவரை சுமார் 2 ஆயிரம் பேர் மெட்டா நிர்வகித்து வரும் இன்ஸ்டா செயலி முடங்கியுள்ளதாக புகார் அளித்துள்ளனர். ஏராளமானோர் இது குறித்து எக்ஸ் தளத்தில் பதிவிட்டுள்ளனர்.
இதுகுறித்து தாய் நிறுவனமான மெட்டா சார்பில் இன்ஸ்டாகிராம் முடங்கியது தொடர்பாக இன்னும் அதிகாரப்பூர்வ அறிக்கை எதுவும் வெளியாகவில்லை.