தமிழகச் சட்டமன்றத் தேர்தலில் தமிழக வெற்றிக் கழகம் (தவெக) அதிக இடங்களின் வெற்றிபெற்று முதல் இடம் பிடித்துள்ள நிலையில், ஆட்சியைக் கைப்பற்ற இன்னும் 11 இடங்கள்.தேவைப்படுகிறது.

எப்படியும் கூட்டணி ஆட்சி தான் என்று முடிவு ஆன நிலையில், அக்கட்சி தேர்தலின் போது வெளியிட்ட தேர்தல் அறிக்கை தற்போது மக்கள் மத்தியில் பெரும் வரவேற்பைப் பெற்று வருகிறது.

‘மக்களுக்கான அரசு’ என்ற இலக்கை எட்டும் வகையில், அனைத்துத் தரப்பு மக்களையும் உள்ளடக்கிய பல்வேறு கவர்ச்சிகரமான மற்றும் ஆக்கபூர்வமான திட்டங்களை தவெக தனது அறிக்கையில் முன்மொழிந்துள்ளது.

பெண்களுக்கான நலத்திட்டங்கள்:

பெண்களின் பொருளாதாரச் சுதந்திரத்தை உறுதி செய்யும் வகையில், ‘மதிப்புமிகு மகளிர் திட்டத்தின்’ கீழ் 60 வயதுக்கு உட்பட்ட குடும்பத் தலைவிகளுக்கு மாதம் 2,500 ரூபாய் உதவித்தொகை வழங்கப்படும் எனத் தெரிவிக்கப்பட்டுள்ளது. மேலும், ‘அன்னபூரணி சூப்பர் சிக்ஸ்’ திட்டத்தின் மூலம் ஒவ்வொரு குடும்பத்திற்கும் ஆண்டுக்கு 6 எரிவாயு சிலிண்டர்கள் இலவசமாக வழங்கப்படும். ‘அண்ணன் சீர்’ திட்டத்தின் கீழ் ஏழை மணப்பெண்களுக்கு 8 கிராம் தங்கம் மற்றும் பட்டுப்புடவை சீதனமாக வழங்கப்படும் என்பதும், ‘வெற்றி பயணம்’ திட்டத்தின் மூலம் அரசுப் பேருந்துகளில் பெண்களுக்கு இலவசப் பயணம் நீட்டிக்கப்படும் என்பதும் குறிப்பிடத்தக்க அம்சங்களாகும்.

கல்வி மற்றும் வேலைவாய்ப்பு:

மாணவர்களின் உயர்கல்விக் கனவை நனவாக்க, எவ்விதப் பிணையமும் (Collateral) இன்றி 20 லட்சம் ரூபாய் வரை கல்விக்கடன் வழங்கப்படும் என தவெக வாக்குறுதி அளித்துள்ளது. மாநிலம் முழுவதும் புதிதாக 50 லட்சம் வேலைவாய்ப்புகள் உருவாக்கப்படும் என்றும், வேலை இல்லாத பட்டதாரிகளுக்கு மாதம் 4,000 ரூபாயும், டிப்ளமோ முடித்த இளைஞர்களுக்கு மாதம் 2,500 ரூபாயும் உதவித்தொகையாக வழங்கப்படும் எனத் தெரிவிக்கப்பட்டுள்ளது.

விவசாயிகளுக்கான சலுகைகள்:

விவசாயிகளின் வாழ்வாதாரத்தை மேம்படுத்த, 5 ஏக்கருக்கும் குறைவாக நிலம் வைத்திருக்கும் சிறு விவசாயிகளின் பயிர்க்கடன் முழுமையாக ரத்து செய்யப்படும் என தவெக அறிவித்துள்ளது. மேலும், கரும்பு விவசாயிகளின் நீண்டகாலக் கோரிக்கையை ஏற்று, ஒரு டன் கரும்பிற்கான அடிப்படை விலை 4,500 ரூபாயாக நிர்ணயம் செய்யப்படும் என்றும் உறுதி அளிக்கப்பட்டுள்ளது.

தவெக-வின் இந்தத் தேர்தல் அறிக்கை, எளிய மக்களின் அடிப்படைத் தேவைகளைப் பூர்த்தி செய்வதுடன், மாநிலத்தின் பொருளாதார வளர்ச்சியை அடுத்த கட்டத்திற்கு எடுத்துச் செல்லும் ஒரு வரைபடமாகப் பார்க்கப்படுகிறது. இந்தத் திட்டங்கள் அனைத்தும் நடைமுறைக்கு வரும்போது, தமிழகம் ஒரு புதிய பொற்காலத்தைக் காணும் என்று எதிர்பார்க்கப்படுகிறது.

இதில் உள்ள இலவச திட்டங்களுக்கு மாற்றாக, அந்த நிதியை பயன்படுத்தி, அரசு பள்ளிகள், மருத்துவமனைகளை மெட்டு எடுத்தாலே மக்களின் வாழ்வாதாரம் என்கின்றனர் சமூக ஆர்வலர்கள். விஜய் தொண்டர்கள், இளைய தலைமுறையினர் இதுகுறித்தும் விவாதம் செய்தால் தமிழகம் உலகத்திற்கே முன்மாதியாக மாறவும் வாய்ப்பு உள்ளது.