2026 தமிழகச் சட்டமன்றத் தேர்தலுக்கான தொகுதிப் பங்கீடு மற்றும் கூட்டணி வியூகங்கள் குறித்து திமுக தலைவரும் முதலமைச்சருமான மு.க. ஸ்டாலின், இன்று (மார்ச் 25, 2026) திமுக தொண்டர்களுக்கு ஒரு முக்கியமான கடிதத்தை எழுதியுள்ளார். அதில், 175 தொகுதிகளில் திமுக-வின் 'உதயசூரியன்' சின்னம் போட்டியிடும் என்ற அதிரடித் தகவலை உறுதிப்படுத்தியுள்ளார்.

சின்னங்களே நமது பலம்: "உதயசூரியன் நமது சின்னம் என்றால், கூட்டணிக் கட்சிகளின் கை, முரசு, கதிர் அரிவாள், அரிவாள் சுத்தி நட்சத்திரம், பானை, ஏணி ஆகியவையும் நமது சின்னங்கள்தான். 234 தொகுதிகளும் நம்முடைய தொகுதிகள்தான்" என ஸ்டாலின் குறிப்பிட்டுள்ளார்.

தோழமை தொடர்வோம்.. களத்தினில் வெல்வோம்

நம் உயிருடன் கலந்திருக்கும் தலைவர் கலைஞரின் அன்பு உடன்பிறப்புகளுக்கு, உங்களில் ஒருவன் எழுதும் மடல்.

2026 சட்டமன்றத் தேர்தல் களத்திற்கான தி.மு.க தலைமையிலான மதச்சார்பற்ற முற்போக்குக் கூட்டணியின் தோழமைக் கட்சிகளுடனான தொகுதிப் பங்கீடும்,… pic.twitter.com/y5agRCur9I

— DMK (@arivalayam) March 25, 2026

175 தொகுதிகளில் உதயசூரியன்: திமுக நேரடியாகவும், உதயசூரியன் சின்னத்தில் போட்டியிடும் இதர தோழமைக் கட்சிகளும் சேர்த்து மொத்தம் 175 தொகுதிகளில் உதயசூரியன் சின்னம் களம் காணும்.

234-லும் ஸ்டாலின்: "ஒவ்வொரு தொகுதியிலும் நானே (ஸ்டாலின்) வேட்பாளராக நிற்பதாகக் கருதித் தொண்டர்கள் உழைக்க வேண்டும். 234 தொகுதிகளிலும் ஸ்டாலின்தான் நிற்கிறேன் என்ற உணர்வோடு தேர்தல் பணியாற்றுங்கள்" என அவர் அழைப்பு விடுத்துள்ளார்.

கூட்டணி ஒற்றுமை: கம்யூனிஸ்ட் கட்சிகள், விசிக தலைவர் திருமாவளவன், மதிமுக வைகோ மற்றும் கமல்ஹாசன் போன்ற தலைவர்களுடன் சுமுகமான முறையில் தொகுதிப் பங்கீடு முடிந்துள்ளதை அவர் சுட்டிக்காட்டியுள்ளார். பிளவு ஏற்படும் என எதிர்பார்த்த 'சதிகாரர்களின்' எண்ணம் தவிடுபொடியாகிவிட்டதாக அவர் சாடியுள்ளார்.

திராவிட மாடல் ஆட்சி: கடந்த ஐந்தாண்டு கால சாதனைகளை மக்களிடம் கொண்டு சேர்த்து, மதச்சார்பற்ற முற்போக்குக் கூட்டணியின் வெற்றியை உறுதி செய்யுமாறு உடன்பிறப்புகளை அவர் கேட்டுக்கொண்டுள்ளார்.