வருவரும் அக்டோபர் 11-ஆம் தேதி தமிழகத்திற்கு வருகை தரும் இந்தியப் பிரதமர் நரேந்திர மோடி, தலைநகர் சென்னையின் முக்கியப் போக்குவரத்து மேம்பாட்டுத் திட்டங்கள் மற்றும் சென்னை ஐஐடி-யில் அமைக்கப்பட்டுள்ள இசை ஆராய்ச்சி மையத்தைத் தொடங்கி வைக்கவுள்ளார்.

பிரதமரின் சென்னை பயணத் திட்டம் & முக்கிய நிகழ்வுகள்:

சென்னை வருகை: டெல்லியில் இருந்து சிறப்பு விமானம் மூலம் காலை 10.55 மணிக்குச் சென்னை சர்வதேச விமான நிலையத்தை அடையும் பிரதமர், காலை 11.30 மணிக்கு ஹெலிகாப்டர் மூலம் பூந்தமல்லி சென்றடைகிறார்.

பூந்தமல்லி - வடபழனி மெட்ரோ தொடக்கம்: சென்னை மெட்ரோ ரயில் இரண்டாம் கட்ட திட்டத்தின் கீழ் 14.64 கி.மீ நீளமுள்ள பூந்தமல்லி - வடபழனி வழித்தடச் சேவையைப் பிரதமர் கொடியசைத்துத் தொடங்கி வைக்கிறார்.

மெட்ரோ பயணம்: புதிய மெட்ரோ ரயிலில் பூந்தமல்லியில் இருந்து போரூர் வரை பயணிக்கும் பிரதமர், அங்கிருந்து சாலை மார்க்கமாகச் சென்னை ஐஐடி வளாகத்தை அடைகிறார்.

ஜலகண்டேஸ்வரர் கோயிலில் வழிபாடு: சென்னை ஐஐடி வளாகத்தில் உள்ள ஜலகண்டேஸ்வரர் திருக்கோயிலில் பிரதமர் சாமி தரிசனம் செய்கிறார்.

ஐஐடிஎம் - இசைஞானி இளையராஜா இசை ஆராய்ச்சி மையம்:

ஆராய்ச்சி மையத் திறப்பு: 2024 மே மாதத்தில் கையெழுத்தான புரிந்துணர்வு ஒப்பந்தத்தைத் தொடர்ந்து, அடிக்கல் நாட்டப்பட்டுப் பணிகள் நிறைவடைந்துள்ள ‘ஐஐடிஎம் - இசைஞானி இளையராஜா இசை கற்றல் மற்றும் ஆராய்ச்சி மையத்தை’ பிரதமர் திறந்து வைக்கிறார்.

தொழில்நுட்பமும் இசையும்: அதிநவீன தொழில்நுட்பத்துடன் பாரம்பரிய இசையை இணைத்து ஆய்வு செய்யும் தளமாக இயங்கும் இம்மையத்தில், இசைக்கருவிகளின் வடிவமைப்பு, ஒலி அலைகளின் அறிவியல் பகுப்பாய்வு, இசைக் கல்விக்கான சான்றிதழ் பயிற்சிகள் மற்றும் திறன் மேம்பாட்டுத் திட்டங்கள் செயல்படுத்தப்பட உள்ளன.

பயணம் நிறைவு: ஐஐடி வளாக நிகழ்ச்சிகளை முடித்துக் கொண்டு அன்றைய தினமே பிரதமர் டெல்லி புறப்பட்டுச் செல்கிறார்.