பிரபல நடிகரை வெகுவாக பாராட்டிய ஸ்டாலின்.! இது தான் காரணமா.?

திமுக தலைவர் மு.க.ஸ்டாலின் மறைந்த முன்னாள் முதல்வர் காமராஜரின் பிறந்தநாளில் நடைபெறும் மணிமண்டபம் திறப்பு விழாவுக்கு, திமுகவின் சார்பில் மனம் நிறைந்த வாழ்த்துகளைத் தெரிவித்துக் கொள்கிறேன்.என தெரிவித்துள்ளார்.

இதுகுறித்து அவர் வெளியிட்ட அறிக்கையில், "மறைந்த முன்னாள் முதல்வர் காமராஜரின் பிறந்தநாளில் நடைபெறும் மணிமண்டபம் திறப்பு விழாவுக்கு, திமுகவின் சார்பில் மனம் நிறைந்த வாழ்த்துகளைத் தெரிவித்துக் கொள்கிறேன்.

காமராஜர் பிறந்த மண்ணில் அமைக்கப்பட்டுள்ள இந்த மணிமண்டபம் - இடையறாமல் அவர் ஆற்றிய பொதுப் பணிகளுக்கும், நாட்டின் நலனுக்கும் முன்னேற்றத்திற்கும் ஆற்றிய தொண்டறத்திற்கும், பொதுமக்களின் உற்ற, நெருக்கமான, நயத்தகு நண்பராக, வழிகாட்டியாக, முதல்வர் பொறுப்பிலிருந்து தொடர்ந்து செய்த தன்னலமற்ற சேவைகளுக்கும், நன்றி பாராட்டுவதாக அமையும் என்பதில் மட்டற்ற மகிழ்ச்சியடைகிறேன். இந்த சீரிய முயற்சியைத் தொடங்கி - வெற்றியடைந்துள்ள சரத்குமாருக்கு எனது பாராட்டுதலையும், போற்றுதலையும் தெரிவித்துக் கொள்கிறேன்." என கூறியுள்ளார்.