தயாரிப்பாளராக சமந்தாவின் அடுத்த அதிர்ச்சி… ‘மா இன்டி பங்காரம்’ பர்ஸ்ட் லுக் & டீசர் தேதி அறிவிப்பு...!

நட்சத்திர நடிகை சமந்தா, அண்மையில் ‘சுபம்’ திரைப்படத்தில் சிறப்புத் தோற்றத்தில் தோன்றி ரசிகர்களை ஆச்சரியப்படுத்தினார்.

அந்த படம் அவரது தயாரிப்பில் வெளிவந்த முதல் திரைப்படம் என்றாலும், அவர் தயாரிக்க அறிவித்த முதல் படம் ‘மா இன்டி பங்காரம்’ என்பதும் குறிப்பிடத்தக்கது.

கடந்த ஆண்டே அறிவிக்கப்பட்ட இந்த திரைப்படத்தின் படப்பிடிப்பு சமீபத்தில் அதிகாரப்பூர்வமாக தொடங்கிய நிலையில், தற்போது ரசிகர்களுக்காக சமந்தாவின் பர்ஸ்ட் லுக் போஸ்டர் வெளியிடப்பட்டுள்ளது.

இதனால் சமூக வலைதளங்களில் படம் குறித்து எதிர்பார்ப்பு உச்சத்தை எட்டியுள்ளது.அத்துடன், இந்தப் படத்தின் டீசர் டிரெய்லர் வருகிற 9-ம் தேதி காலை 10 மணிக்கு வெளியாகும் என அறிவிக்கப்பட்டுள்ளது.

நந்தினி ரெட்டி இயக்கும் இப்படத்தில் சமந்தாவுடன் குல்ஷன் தேவையா, மூத்த நடிகை கவுதமி, மஞ்சுஷா, திகந்த் உள்ளிட்ட முக்கிய நடிகர்கள் பிரதான கதாபாத்திரங்களில் நடித்துள்ளனர்.