அதிமுக பொதுச்செயலாளர் எடப்பாடி பழனிசாமி சமீபத்தில் செய்தியாளர்களை சந்தித்து செங்கோட்டையன் கட்சியில் இருந்து ஏன் நீக்கப்பட்டார் என்பதை தெளிவாக விளக்கியுள்ளார்.அவர் தெரிவித்ததாவது,"செங்கோட்டையன் திமுகவின் பி-டீமாக செயல்பட்டவர். கட்சி விழாவில் பங்கேற்காமல், ஜெயலலிதா படத்தை தவறாக புறக்கணித்ததாக தவறான கருத்து சொன்னார்.

நிகழ்ச்சி ஏற்பாட்டாளர்கள் விளக்கம் அளித்தும், அவர் ஏற்கவில்லை. ஆனால், சைக்கிள் வழங்கும் நிகழ்ச்சியில் பங்கேற்றார்; அங்கு எம்.ஜி.ஆர். மற்றும் ஜெயலலிதா படங்கள் ஒட்டுமொத்தமாக இடம் பெறவில்லை. கருணாநிதி மற்றும் முக ஸ்டாலின் படங்கள் மட்டுமே இடம்பெற்றிருந்தன. அப்போதே அவரின் பி-டீம் நடவடிக்கை ஆரம்பமானது” என்றார்.

செங்கோட்டையன் கடந்த 6 மாதங்களாக கட்சிக்கு எதிராக செயல்பட்டவர். கட்சியில் இருந்து நீக்கப்பட்டவர்கள் அல்லது பிரிந்து சென்றவர்கள் அல்ல. நீக்கப்பட்டவர்களுடன் இணைந்து செயல்பட்டதால் மட்டுமே நடவடிக்கை எடுக்கப்பட்டது. கட்சிக்கு துரோகம் செய்தால் இதுதான் இயல்பான நிலைமை என்று அவர் குறிப்பிட்டார்.

பொதுக்குழு தீர்மானம் நிறைவேற்றப்பட்டு, கட்சியை விட்டு வெளியேறியவர்களோடு தொடர்பு வைத்தால், நீக்காமல் வேறு என்ன செய்யலாம்? அதிமுக தலைமைக்கு எதிராக செயல்பட்டால் நாம் வேடிக்கை பார்க்க மாட்டோம்” என எடப்பாடி பழனிசாமி கடுமையாக கூறினார்.அதிமுகவைப் பற்றி பேச டிடிவி தினகரனுக்கு எந்த தகுதியும் இல்லை.

திமுகவை மீண்டும் ஆட்சிக்கு கொண்டு வர திட்டமிடுவது செங்கோட்டையன், டிடிவி தினகரன் மற்றும் ஓ.பன்னீர் செல்வம் முயற்சி செய்யும் பட்சத்தில் மட்டுமே. ஜெயலலிதா முன்னிலையில் கட்சியில் இருந்து நீக்கப்பட்டவர்களுக்கு அதிமுக குறித்து பேச எந்த உரிமையும் இல்லை. சட்டப்பேரவையில் திமுகவை எதிர்த்து செங்கோட்டையன் ஒரு வார்த்தை கூட கூறவில்லை,” என அவர் வலியுறுத்தினார்.