நேரு அரங்கில் நெகிழ்ச்சி...! - கவர்னருக்கு மரியாதை செய்த தமிழகத்தின் புதிய முதல்வர் விஜய்...!

தமிழக அரசியலில் புதிய சகாப்தத்தை தொடங்கவுள்ள தருணத்தில், தமிழக வெற்றி கழக தலைவர் ஜோசப் விஜய் சென்னையின் ஜவஹர்லால் நேரு உள் விளையாட்டு அரங்கிற்கு கம்பீர தோற்றத்தில் வருகை தந்தார்.

வெள்ளை நிற சட்டை, கருநிற மேலங்கி, கருநிற கால்சட்டை அணிந்தபடி அவர் அரங்கிற்குள் நுழைந்த தருணம், தொண்டர்கள் மத்தியில் பேரதிர்வை ஏற்படுத்தியது.

முதல்-அமைச்சராக பதவியேற்க உள்ள விஜய்யை காண ரசிகர்கள் ஆரவார முழக்கங்களை எழுப்பிய நிலையில், அரங்கம் முழுவதும் கொண்டாட்ட உணர்வு பரவியது.

அரசியல் தலைவர்கள், திரையுலக பிரபலங்கள் மற்றும் ஆதரவாளர்கள் திரண்டிருந்ததால் விழா தளம் விழாக்கோலமாக காட்சியளித்தது.இதனைத் தொடர்ந்து, பதவியேற்பு விழாவில் பங்கேற்க வந்த தமிழக ஆளுநர் ராஜேந்திர அர்லேக்கரை விஜய் மரியாதையுடன் பொன்னாடை அணிவித்து வரவேற்றார்.

அந்த தருணம் அரங்கில் இருந்தோரின் கவனத்தை வெகுவாக ஈர்த்ததுடன், அரசியல் வரலாற்றில் நினைவாக பதியும் நிகழ்வாகவும் அமைந்தது என தெரிவிக்கப்படுகிறது.