"1.20 கோடி வாக்காளர்கள் நீக்கப்படும் அபாயம்!": தேர்தல் ஆணையத்தின் அதிரடிக்கு பதறும் மமதா பானர்ஜி!

மேற்கு வங்கத்தில் தற்போது நடைபெற்று வரும் வாக்காளர் பட்டியல் சிறப்பு தீவிர திருத்தப் பணிகளின் (SIR) மூலம் சுமார் 1.20 கோடி வாக்காளர்களின் பெயர்கள் நீக்கப்படக்கூடும் என முதல்வர் மமதா பானர்ஜி அதிரடி எச்சரிக்கை விடுத்துள்ளார்.

முக்கியக் குற்றச்சாட்டுகள்:
தர்க்கரீதியான முரண்பாடுகள்: "Logical Inconsistencies" என்ற பெயரில், தகுதியான ஏராளமான வாக்காளர்களைப் பட்டியலில் இருந்து நீக்கத் தேர்தல் ஆணையம் திட்டமிட்டுள்ளதாக அவர் குற்றம் சாட்டினார்.

ஏற்கனவே நடந்த நீக்கம்: கடந்த டிசம்பர் மாத வரைவுப் பட்டியலிலேயே சுமார் 58 லட்சம் பெயர்கள் நீக்கப்பட்டன. தற்போது SIR பணிகள் முடிவில் இந்த எண்ணிக்கை 1.20 கோடியைத் தொடக்கூடும் என அவர் வேதனை தெரிவித்தார்.

சட்டப்போராட்டம்:
இந்த விவகாரத்தை எதிர்த்துத் தான் ஏற்கனவே உச்ச நீதிமன்றம் வரை போராடி வருவதாகவும், மக்கள் உரிமைக்காக இந்தப் போராட்டம் இன்னும் வீரியமாகத் தொடரும் என்றும் மமதா பானர்ஜி சூளுரைத்துள்ளார்.

இறுதிப் பட்டியல் வெளியீடு:
மேற்கு வங்க மாநிலத்தின் இறுதி வாக்காளர் பட்டியல் வரும் பிப்ரவரி 28-ஆம் தேதி அதிகாரப்பூர்வமாக வெளியாக உள்ளது.