நாமக்கலில் அதிரடி தீர்மானம்! முட்டை விலை உயர்வு..! - முட்டைக்கோழியும் கிலோக்கு ரூ.7 ஏற்றம்...!

நாமக்கல் மண்டலத்தில் முட்டை விலை கடந்த சில நாட்களாக 480 காசுகளாக நிலைத்திருந்த நிலையில், தற்போது அதில் திடீர் உயர்வு ஏற்பட்டுள்ளது.

நாமக்கல்லில் நடைபெற்ற தேசிய முட்டை ஒருங்கிணைப்புக்குழு கூட்டத்தில், முட்டை கொள்முதல் விலையை 20 காசுகள் உயர்த்த தீர்மானிக்கப்பட்டதாக தெரிவிக்கப்படுகின்றது.

இதன் விளைவாக, முட்டை கொள்முதல் விலை தற்போது 500 காசுகளாக உயர்ந்துள்ளது.இதனைத் தொடர்ந்து, முட்டைக்கோழி விலையிலும் உயர்வு அறிவிக்கப்பட்டுள்ளது.

முன்பு கிலோ ரூ.85-க்கு விற்பனை செய்யப்பட்டு வந்த முட்டைக்கோழி, நாமக்கல்லில் நடைபெற்ற ஒருங்கிணைப்புக்குழு கூட்டத்தின் முடிவின் பேரில் கிலோவுக்கு ரூ.7 அதிகரிக்கப்பட்டுள்ளதாக தெரிவிக்கப்படுகின்றது.

இதனால், அதன் புதிய விலை கிலோ ரூ.92 ஆக உயர்ந்துள்ளது.ஆனால், கறிக்கோழி விலையில் எந்த மாற்றமும் செய்யப்படாமல், அது தொடர்ந்து கிலோ ரூ.103-க்கு விற்பனை செய்யப்படுகிறது என தெரிவிக்கப்படுகின்றது.