டிடிவி தினகரன் திவாலானது செல்லாதது!! உயர் நீதிமன்றம் பரபரப்பு தீர்ப்பு!!

கடந்த 2001 ஆம் ஆண்டு அமமுக செயலாளர் டிடிவி தினகரனை திவாலானவர் என அறிவித்து அமலாக்கத்துறை பிறப்பித்த நோட்டீஸ் செல்லாது என சென்னை உயர்நீதிமன்றம் தீர்ப்பு வழங்கியுள்ளது.

தினகரன் திவால் ஆனவர் என பிறப்பிக்கப்பட்ட நோட்டீசை எதிர்த்து சென்னை உயர்நீதிமன்றத்தில் தொடரப்பட்ட வழக்கில் அமலக்கத்துறையின் நோட்டீசை ரத்து செய்து தனி நீதிபதி உத்தரவிட்டிருந்தார்.

தனி நீதிபதியின் இந்த உத்தரவை எதிர்த்து சென்னை உயர்நீதிமன்றத்தில் அமலாக்கத்துறை சார்பில் மேல்முறையீடு செய்யப்பட்டது. இந்த வழக்கை விசாரித்த சென்னை உயர்நீதிமன்ற நீதிபதிகள் டிடிவி தினகரனுக்கு அபராதம் விதித்த உத்தரவை இறுதி செய்து உத்தரவு பிறப்பிக்கும் முன்பே திவாலானவர் என அறிவித்து பிறப்பிக்கப்பட்ட நோட்டீஸ் செல்லாது என சென்னை உயர்நீதிமன்ற நீதிபதிகள் தீர்ப்பு வழங்கியுள்ளனர்.

அன்னிய செலாவணி மோசடி வழக்கில் விதிக்கப்பட்ட 28 கோடி ரூபாய் அபராதத்தை செலுத்தாததால் திவாலானவர் என அமலாக்கத்துறையால் எவ்வாறு அறிவிக்க முடியும் என்பதை மேற்கோள் காட்டி இந்த தீர்ப்பு வழங்கப்பட்டுள்ளது என்பது குறிப்பிடத்தக்கது.