முகம் எவ்வளவு அழகாக இருந்தாலும், சிரிக்கும் போது பற்கள் மஞ்சள் நிறத்தில் இருந்தால் அது பலரின் தன்னம்பிக்கையை பாதிக்கக்கூடும். குறிப்பாக காபி, டீ அதிகமாக குடிப்பது, பற்களை சரியாக பராமரிக்காதது மற்றும் சில தவறான உணவுப் பழக்கங்கள் காரணமாக பற்களில் மஞ்சள் கறைகள் உருவாகின்றன.ஆனால் இதற்காக அதிகம் கவலைப்பட வேண்டியதில்லை. வீட்டில் எளிதாக கிடைக்கும் சில பொருட்களை பயன்படுத்தி பற்களின் இயற்கை வெண்மையை மீட்டெடுக்கலாம்.

வேப்பங்குச்சி அல்லது ஆலமரக்குச்சி
கிராமப்புறங்களில் தலைமுறைகள் கடந்து பயன்படுத்தப்படும் இயற்கை முறைகளில் முக்கியமானது வேப்பங்குச்சி அல்லது ஆலமரக்குச்சி. குச்சியின் நுனியை மென்று பிரஷ் போல மாற்றி பற்களை மெதுவாக தேய்க்க வேண்டும்.இவற்றில் உள்ள இயற்கை கிருமிநாசினி தன்மைகள் பற்களில் இருக்கும் மஞ்சள் கறைகளை அகற்றுவதோடு, ஈறுகளையும் வலுப்படுத்த உதவுகின்றன.

துளசி இலை பேஸ்ட்
சில துளசி இலைகளை வெயிலில் காயவைத்து பொடியாக அரைத்துக் கொள்ளுங்கள். அதனுடன் சிறிதளவு கடுகு எண்ணெய் சேர்த்து பேஸ்ட் போல கலக்கவும்.இந்த கலவையை விரலால் பற்களில் மெதுவாக தேய்த்து கழுவினால் பற்களின் நிறம் மேம்படும். மேலும், வாய் துர்நாற்றத்தையும் கட்டுப்படுத்த உதவும்.

வெதுவெதுப்பான உப்பு நீர்
உணவுக்கு முன்பும், உணவுக்குப் பிறகும் வெதுவெதுப்பான நீரில் சிறிதளவு உப்பு கலந்து வாயைக் கொப்பளிப்பது நல்ல பழக்கம்.இது பற்களில் கறை படிவதை குறைத்து, வாயின் சுத்தத்தையும் பாதுகாக்கும்.

பிரஷ் மாற்ற வேண்டிய நேரம்
நாம் பயன்படுத்தும் பல் துலக்கும் பிரஷை 3 மாதங்களுக்கு ஒருமுறை மாற்றுவது அவசியம். தேய்ந்து போன பிரஷ்கள் பற்களில் இருக்கும் அழுக்கை முழுமையாக அகற்றாது.மென்மையான பிரஷ் பயன்படுத்தலாம். ஆனால் அதிக அழுத்தத்துடன் பற்களை தேய்ப்பதை தவிர்க்க வேண்டும்.

வாழைப்பழத் தோல் டிப்ஸ்
வாழைப்பழம் சாப்பிட்ட பிறகு அதன் தோலை உடனே தூக்கி எறிய வேண்டாம். தோலின் உள்பகுதியை பற்களின் மேல் சுமார் 2 நிமிடங்கள் மெதுவாக தேய்க்கவும்.அதன் பிறகு 5 நிமிடங்கள் கழித்து பற்களை துலக்கலாம்.வாழைப்பழத் தோலில் உள்ள பொட்டாசியம், மெக்னீசியம் மற்றும் மாங்கனீசு போன்ற தாதுக்கள் பற்களை வெண்மையாக்க உதவுகின்றன.

எளிய ரகசியம்
காபி, டீ அல்லது குளிர்பானங்கள் குடித்த பிறகு உடனடியாக வாயைக் கொப்பளிக்கும் பழக்கத்தை வளர்த்துக்கொள்ளுங்கள்.மேலும் தினமும் காலை எழுந்ததும், இரவு தூங்குவதற்கு முன்பும் பற்களை நன்றாக துலக்குவது பற்களின் ஆரோக்கியத்தை நீண்டகாலம் பாதுகாக்கும்.அழகான சிரிப்பின் ரகசியம் வெண்மையான பற்களில்தான் இருக்கிறது. தினசரி சிறிய பராமரிப்பே உங்கள் பற்களை ஆரோக்கியமாகவும் பளிச்சென்றும் வைத்திருக்க உதவும்.