ஆட்டு மூளை மிளகு வறுவல்... மழைக்காலத்தில் சாப்பிட ஏற்ற உணவு...!
mutton brain roast
மூளை மிளகு வறுவல்
தேவையான பொருட்கள் :
பொருள் - அளவு
மூளை - இரண்டு
மஞ்சள் தூள் - கால் டீஸ்பூன்
உப்பு - தேவைக்கேற்ப
இஞ்சி பூண்டு பேஸ்ட் - இரண்டு டீஸ்பூன்
அரைக்க :
மிளகு - பத்து
சீரகம் - அரை டீஸ்பூன்
பட்டை - 1
கிராம்பு - இரண்டு
ஏலம் - ஒன்று
சோம்பு - கால் டீஸ்பூன்
முழு தனியா - ஒரு டேபிள் ஸ்பூன்
தாளிக்க :
எண்ணெய் - தேவைக்கேற்ப
டால்டா - தேவைக்கேற்ப
கொத்தமல்லி தழை - ஒரு கைப்பிடி
செய்முறை :
முதலில்,மூளையை மேலே உள்ள மெல்லிய தோலை எடுத்து விட்டு கட் பண்ண வேண்டாம் குழையாமல் புளி வடிகட்டியில் போட்டு 4 தடவை கழுவி நீரை வடிகட்டவும்.பிறகு மூளையை மஞ்சள் தூள், உப்பு, இஞ்சி பூண்டு பேஸ்ட் போட்டு குக்கரில் தேவையான அளவு தண்ணீர் விட்டு இரண்டு விசில் விட்டு இறக்கவும்.
பொடி செய்ய வேண்டிய பொருட்களை வெறும் தவாவில் கருக விடாமல் வறுத்து ஆற வைத்து பொடி செய்யவும்.ஒரு இரும்பு வாணலியில் எண்ணெய், டால்டா இரண்டையும் ஊற்றி பொடித்த பொடி முழுவதும் போட்டு வேக வைத்த மூளையையும் போட்டு தண்ணீர் முழுவதும் சுண்ட விட்டு அதை சிறு துண்டுகளாக போட்டு நல்ல முறுகலாக வறுத்தெடுத்து கொத்தமல்லி தழை தூவி இறக்கவும்.சுவையான மூளை மிளகு வறுவல் ரெடி.